രാജിവെക്കില്ലെന്ന് ദക്ഷിണ കൊറിയൻ പ്രസിഡന്റ്

സോ​ൾ: രാ​ജ്യ​ത്ത് പ​ട്ടാ​ള നി​യ​മം പ്ര​ഖ്യാ​പി​ച്ച​തി​നെ ന്യാ​യീ​ക​രി​ച്ച് രാ​ഷ്ട്രീ​യ അ​നി​ശ്ചി​താ​വ​സ്ഥ​യി​ലാ​യ ദ​ക്ഷി​ണ കൊ​റി​യ​ൻ പ്ര​സി​ഡ​ന്റ് യൂ​ൻ സു​ക് യോ​ൽ. ജ​നാ​ധി​പ​ത്യ​ത്തി​ന്റെ ത​ക​ർ​ച്ച​യും പ്ര​തി​പ​ക്ഷ​ത്തി​ന്റെ അ​ട്ടി​മ​റി നീ​ക്ക​വും ത​ട​യു​ക​യാ​യി​രു​ന്നു പ​ട്ടാ​ള നി​യ​മ പ്ര​ഖ്യാ​പ​ന​ത്തി​ന്റെ ല​ക്ഷ്യ​മെ​ന്ന് യൂ​ൻ പ​റ​ഞ്ഞു.

വ്യാ​ഴാ​ഴ്ച അ​പ്ര​തീ​ക്ഷി​ത​മാ​യി രാ​ജ്യ​ത്തെ ടെ​ലി​വി​ഷ​നി​ലൂ​ടെ അ​ഭി​സം​ബോ​ധ​ന ചെ​യ്യു​ക​യാ​യി​രു​ന്നു അ​ദ്ദേ​ഹം. പു​റ​ത്താ​ക്കു​ന്ന​തു വ​രെ​യും പ്ര​സി​ഡ​ന്റ് പ​ദ​വി രാ​ജി​വെ​ക്കി​ല്ലെ​ന്നും നി​ല​പാ​ടി​ൽ ഉ​റ​ച്ചു​നി​ൽ​ക്കു​മെ​ന്നും യൂ​ൻ വ്യ​ക്ത​മാ​ക്കി.

അ​തേ​സ​മ​യം, പ്ര​സി​ഡ​ന്റി​നെതിരെ വീ​ണ്ടും പ്ര​തി​പ​ക്ഷ പാ​ർ​ട്ടി​ക​ൾ ഇം​പീ​ച്ച്മെ​ന്റ് പ്ര​മേ​യം അ​വ​ത​രി​പ്പി​ച്ചു. ഡെ​മോ​ക്രാ​റ്റി​ക് പാ​ർ​ട്ടി അ​ട​ക്കം ആ​റ് പാ​ർ​ട്ടി​ക​ൾ ചേ​ർ​ന്നാ​ണ് പ്ര​മേ​യം കൊ​ണ്ടു​വ​ന്ന​ത്. ശ​നി​യാ​ഴ്ച പാ​ർ​ല​മെ​ന്റി​ൽ വോ​ട്ടെ​ടു​പ്പ് ന​ട​ക്കും. ക​ഴി​ഞ്ഞ വ്യാ​ഴാ​ഴ്ച ഇം​പീ​ച്ച്മെ​ന്റ് പ്ര​മേ​യം ഭ​ര​ണ​ക​ക്ഷി അം​ഗ​ങ്ങ​ൾ ബ​ഹി​ഷ്‍ക​രി​ച്ച​തി​നാ​ൽ റ​ദ്ദാ​ക്കു​ക​യാ​യി​രു​ന്നു.