യു​ക്രെ​യ്നി​ൽ ആക്രമണം കനപ്പിച്ച്​ റഷ്യ

കി​യ​വ്: യു​ക്രെ​യ്നി​ൽ അ​ധി​നി​വേ​ശം ന​ട​ത്തു​ന്ന റ​ഷ്യ​ൻ സൈ​ന്യം വി​വി​ധ മേ​ഖ​ല​ക​ളി​ൽ ആ​ക്ര​മ​ണം ക​ന​പ്പി​ച്ചു. ര​ണ്ടാ​മ​ത്തെ വ​ലി​യ ന​ഗ​ര​മാ​യ ഖാ​ർ​കി​വി​ന് നേ​രെ അ​തി​ശ​ക്ത​മാ​യ മി​സൈ​ലാ​ക്ര​മ​ണ​മാ​ണ് ചൊ​വ്വാ​ഴ്ച ഉ​ണ്ടാ​യ​ത്. ഖാ​ർ​കി​വി​ലെ സി​വി​ലി​യ​ൻ കേ​ന്ദ്ര​ങ്ങ​ൾ വ​രെ റ​ഷ്യ​യു​ടെ ല​ക്ഷ്യ​മാ​യി. ക​ർ​ണാ​ട​ക സ്വ​ദേ​ശി​യാ​യ ന​വീ​ൻ ഉ​ൾ​​പ്പെ​ടെ പ​ത്തി​ലേ​റെ പേ​ർ ഇ​വി​ടെ മ​രി​ച്ചു.

ന​ഗ​ര​മ​ധ്യ​ത്തി​ലെ ഫ്രീ​ഡം സ്ക്വ​യ​റി​ൽ മി​സൈ​ൽ വീ​ണ് ഭീ​ക​ര സ്ഫോ​ട​നം ഉ​ണ്ടാ​യി. ത​ല​സ്ഥാ​ന​മാ​യ കി​യ​വും ക​ടു​ത്ത ആ​​ക്ര​മ​ണം നേ​രി​ടു​ക​യാ​ണ്. ന​ഗ​രം ല​ക്ഷ്യ​മാ​ക്കി റ​ഷ്യ​യു​ടെ പ​ടു​കൂ​റ്റ​ൻ സൈ​നി​ക വ്യൂ​ഹം നീ​ങ്ങി​ത്തു​ട​ങ്ങി. കി​യ​വി​ന്റെ വ​ട​ക്ക് പ​ടി​ഞ്ഞാ​റ് മേ​ഖ​ല​യി​ൽ 64 കി​ലോ​മീ​റ്റ​ർ നീ​ള​ത്തി​ൽ റ​ഷ്യ​ൻ സൈ​ന്യം മു​ന്നേ​റു​ന്ന​തി​ന്റെ ഉ​പ​ഗ്ര​ഹ ചി​ത്ര​ങ്ങ​ൾ പു​റ​ത്തു​വ​ന്നു. ഇ​ത്ര​യും വ​ലി​യ സൈ​നി​ക നി​ര​യോ​ട് യു​ക്രെ​യ്ൻ പി​ടി​ച്ചു​നി​ൽ​ക്കി​ല്ലെ​ന്നാ​ണ് യു.​എ​സ് വൃ​ത്ത​ങ്ങ​ളു​ടെ മു​ന്ന​റി​യി​പ്പ്.

ഖാ​ർ​കി​വി​നും കി​യ​വി​നും മ​ധ്യേ​യു​ള്ള ഒ​ഖ്തി​ർ​ക സൈ​നി​ക കേ​ന്ദ്ര​ത്തി​ൽ പീ​ര​ങ്കി ആ​ക്ര​മ​ണ​ത്തി​ൽ 70 യു​ക്രെ​യ്ൻ സൈ​നി​ക​ർ കൊ​ല്ല​പ്പെ​ട്ടു. തെ​ക്ക് കി​ഴ​ക്ക​ൻ തു​റ​മു​ഖ ന​ഗ​ര​മാ​യ മ​രി​യു​​​പോ​ളി​ൽ പ​ര​ക്കെ ഷെ​ല്ലി​ങ്ങു​ണ്ടാ​യി. തെ​ക്ക​ൻ ന​ഗ​ര​മാ​യ ഖെ​ർ​സ​ൺ റ​ഷ്യ​ൻ സേ​ന സ​മ്പൂ​ർ​ണ​മാ​യി വ​ള​ഞ്ഞി​രി​ക്കു​ക​യാ​ണ്. തു​ട​ർ ച​ർ​ച്ച ആ​കാ​മെ​ന്ന ധാ​ര​ണ​യി​ൽ പി​രി​ഞ്ഞ ബെ​ല​റൂ​സ് അ​തി​ർ​ത്തി​യി​ലെ കൂ​ടി​ക്കാ​ഴ്ച​ക്ക് ശേ​ഷം റ​ഷ്യ സൈ​നി​ക ന​ട​പ​ടി​യു​ടെ കാ​ഠി​ന്യം കൂ​ട്ടു​ന്ന കാ​ഴ്ച​യാ​ണ് ചൊ​വ്വാ​ഴ്ച ദൃ​ശ്യ​മാ​യ​ത്.

ഖാ​ർ​കി​വി​ലെ ആ​ക്ര​മ​ണ​ത്തി​ന്റെ പ​ശ്ചാ​ത്ത​ല​ത്തി​ൽ റ​ഷ്യ​ൻ വി​മാ​ന​ങ്ങ​ൾ​ക്കും ഹെ​ലി​കോ​പ്ട​റു​ക​ൾ​ക്കും പ​റ​ക്ക​ൽ നി​രോ​ധി​ത മേ​ഖ​ല (നോ ​ഫ്ലൈ സോ​ൺ) ഏ​ർ​പ്പെ​ടു​ത്ത​ണ​മെ​ന്ന് യു​ക്രെ​യ്ൻ പ്ര​സി​ഡ​ന്റ് വൊ​ളോ​ദി​മി​ർ സെ​ല​ൻ​സ്കി ആ​വ​ശ്യ​പ്പെ​ട്ടു. വി​ഡി​യോ ലി​ങ്ക് വ​ഴി യൂ​റോ​പ്യ​ൻ പാ​ർ​ല​മെ​ന്റി​നെ അ​ഭി​സം​ബോ​ധ​ന ചെ​യ്ത സെ​ല​ൻ​സ്കി, ജീ​വ​ന് വേ​ണ്ടി​യാ​ണ് ത​ങ്ങ​ൾ പൊ​രു​തു​ന്ന​തെ​ന്നും ത​ങ്ങ​ളെ ത​ക​ർ​ക്കാ​ൻ ആ​ർ​ക്കും ക​ഴി​യി​ല്ലെ​ന്നും പ്ര​ഖ്യാ​പി​ച്ചു. നി​റ​ഞ്ഞ ക​ര​ഘോ​ഷ​ത്തോ​ടെ​യാ​ണ് പാ​ർ​ല​മെ​ന്റ് സെ​ല​ൻ​സ്കി​യു​ടെ പ്ര​ഭാ​ഷ​ണ​ത്തെ സ്വീ​ക​രി​ച്ച​ത്.

ഖാ​ർ​കി​വി​ന് നേ​രെ കി​രാ​ത​മാ​യ ആ​ക്ര​മ​ണ​മാ​ണ് ഉ​ണ്ടാ​യ​തെ​ന്ന് യു​ക്രെ​യ്ൻ വി​ദേ​ശ​കാ​ര്യ​മ​ന്ത്രി ദി​മി​ത്രി കു​ലേ​ബ​യും വ്യ​ക്ത​മാ​ക്കി. റ​ഷ്യ​യെ ത​ട​യാ​ൻ കൂ​ടു​ത​ൽ ഫ​ല​പ്ര​ദ​മാ​യ അ​ന്താ​രാ​ഷ്ട്ര ഉ​പ​രോ​ധ​ങ്ങ​ൾ ഉ​ണ്ടാ​ക​ണ​മെ​ന്നും അ​​ദ്ദേ​ഹം ആ​വ​ശ്യ​പ്പെ​ട്ടു. അ​തി​നി​ടെ, റ​ഷ്യ​യു​ടെ എ​ണ്ണ, വാ​ത​ക മേ​ഖ​ല​ക്ക് യൂ​റോ​പ്യ​ൻ യൂ​നി​യ​ൻ സ​മ്പൂ​ർ​ണ വി​ല​ക്ക് ഏ​ർ​പ്പെ​ടു​ത്തു​ന്ന കാ​ര്യം ച​ർ​ച്ച ചെ​യ്യാ​ൻ യൂ​റോ​പ്യ​ൻ പാ​ർ​ല​മെ​ന്റ് തീ​രു​മാ​നി​ച്ചു. റ​ഷ്യ​യു​ടെ സ​മ്പ​ദ്ഘ​ട​ന​യെ ക്ഷീ​ണി​പ്പി​ക്കു​ന്ന ത​ര​ത്തി​ൽ ക​ടു​ത്ത ഉ​പ​രോ​ധം ഏ​ർ​പ്പെ​ടു​ത്ത​ണ​മെ​ന്നും ഇ.​യു ആ​വ​ശ്യ​പ്പെ​ട്ടു. പ​ടി​ഞ്ഞാ​റ​ൻ ഉ​പ​രോ​ധ​ങ്ങ​ൾ റ​ഷ്യ​യു​ടെ നി​ല​പാ​ടു​ക​ളെ ഒ​രി​ക്ക​ലും സ്വാ​ധീ​നി​ക്കി​ല്ലെ​ന്ന് ക്രെം​ലി​ൻ പ്ര​തി​ക​രി​ച്ചു. മോ​സ്കോ​യും കി​യ​വും ത​മ്മി​ൽ നേ​രി​ട്ടു​ള്ള ച​ർ​ച്ച​ക​ൾ ആ​രം​ഭി​ച്ചി​ട്ടു​​ണ്ടെ​ന്ന് പ​റ​ഞ്ഞ ക്രെം​ലി​ൻ വ​ക്താ​വ് ദി​മി​ത്രി പെ​സ്കോ​വ് ഇ​രു പ്ര​സി​ഡ​ന്റു​മാ​രു​ടെ​യും ച​ർ​ച്ച അ​ജ​ണ്ട​യി​ൽ ഇ​ല്ലെ​ന്നും കൂ​ട്ടി​​ച്ചേ​ർ​ത്തു.

അ​ധി​നി​വേ​ശ​ത്തെ​ത്തു​ട​ർ​ന്ന് ദ​ശ​ല​ക്ഷ​ത്തി​ലേ​റെ സാ​ധാ​ര​ണ​ക്കാ​ർ​ക്ക് വീ​ടു​വി​ട്ടു​പോ​കേ​ണ്ടി വ​ന്നു​വെ​ന്ന് യു.​എ​ൻ റെ​ഫ്യൂ​ജി ഏ​ജ​ൻ​സി വി​ല​യി​രു​ത്തി. റ​ഷ്യ​യു​ടെ യു​ദ്ധ​ക്കു​റ്റ​ങ്ങ​ൾ​ക്ക് മേ​ൽ അ​ന്വേ​ഷ​ണം ന​ട​ത്തു​മെ​ന്ന് അ​ന്താ​രാ​ഷ്ട്ര ക്രി​മി​ന​ൽ കോ​ട​തി പ്രോ​സി​ക്യൂ​ട്ട​ർ അ​റി​യി​ച്ചു.