ക്വാലലംപൂർ: കാട്ടിൽ നഷ്ടപ്പെട്ട ഫോൺ തിരികെ കിട്ടിയ മലേഷ്യൻ യുവാവിന് കാണാനായത് കുരങ്ങൻെറ സെൽഫി ചിത്രങ്ങളും വിഡിയോയും. സാക്രിഡ്സ് റോഡ്സി എന്ന 20കാരൻെറ കാണാതായ ഫോണിലാണ് കുരങ്ങൻെറ ചിത്രങ്ങളും വിഡിയോ പ്രത്യക്ഷപ്പെട്ടത്. എന്നാൽ, സംഭവത്തിൽ ദുരൂഹതയുണ്ടെന്ന് വാർത്ത റിപ്പോർട്ട് ചെയ്ത ബി.ബി.സി വ്യക്തമാക്കുന്നു.
യുവാവിൻെറ ഫോൺ എങ്ങനെ നഷ്ടപ്പെട്ടുവെന്നതിനെ കുറിച്ച് ഇനിയും വ്യക്തതയായിട്ടില്ല. മോഷണം നടന്നതിൻെറ ലക്ഷണങ്ങളൊന്നുമില്ലെന്നും ബി.ബി.സി വാർത്തയിൽ പറയുന്നു. ഫോൺ നഷ്ടപ്പെട്ടതിൻെറ പിറ്റേ ദിവസം റോഡ്സി വീടിന് പുറത്ത് ഒരു കുരങ്ങൻ ഇരിക്കുന്നത് കണ്ടു. തുടർന്ന് നഷ്ടപ്പെട്ട ഫോണിലേക്ക് ഒന്നുകൂടി വിളിച്ച് നോക്കിയപ്പോൾ ചെളിയിൽ നിന്നും അത് ലഭിക്കുകയായിരുന്നു.
ഫോൺ പരിശോധിച്ചപ്പോൾ അതിൽ നിന്നും വ്യക്തതയില്ലാത്ത കുരങ്ങൻെറ സെൽഫികളും വിഡിയോകളും കണ്ടെത്തിയെന്നും റോഡ്സി പറഞ്ഞു. കുരങ്ങൻ ഫോൺ തിന്നാൻ ശ്രമിക്കുന്നതും വിഡിയോയും ഫോണിൽ നിന്നും കണ്ടെത്തിയിട്ടുണ്ട്. ഇതാദ്യമായല്ല കുരങ്ങൻെറ സെൽഫി പ്രേമം പുറത്തറിയുന്നത്. 2011ൽ ഇന്തോനേഷ്യൻ ദ്വീപായ സുലാവാസിയിൽ കാമറയിൽ ഇതുപോലെ കുരങ്ങൻെറ ചിത്രങ്ങൾ പതിഞ്ഞിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.