ഒാട്ടവ: കനേഡിയൻ പ്രധാനമന്ത്രി ജസ്റ്റിൻ ട്രൂഡോ കാണാൻ എത്തിയപ്പോൾ കുഞ്ഞു ട്രൂഡോ നല്ല ഉറക്കമായിരുന്നു. അത് വകവെക്കാതെ ജസ്റ്റിൻ ട്രൂഡോ അവനെയെടുത്തു. ഒന്നു ചിണുങ്ങിയ അവൻ ട്രൂഡോയുടെ കൈയിൽ കിടന്ന് ഉറക്കം തുടർന്നു.
ആഭ്യന്തരയുദ്ധം അഭയാർഥികളാക്കിയ തങ്ങളെ സ്വീകരിച്ച കാനഡയുടെ ഉദാരമനസ്സിന് നന്ദിപറയാൻ മുഹമ്മദ്-അഫ്ര ദമ്പതികൾക്ക് വാക്കുകളില്ലായിരുന്നു. രണ്ടു മാസം പ്രായമുള്ള കുഞ്ഞിന് ജസ്റ്റിൻ ട്രൂഡോ ആദം ബിലൻ എന്നു പേരു നൽകിയാണ് അവർ ആ കടം വീട്ടിയത്. മറ്റു രാജ്യങ്ങൾ തങ്ങൾക്കുനേരെ മുഖംതിരിച്ചപ്പോൾ രണ്ടു കൈയും നീട്ടി സ്വീകരിച്ച കനേഡിയൻ പ്രധാനമന്ത്രിയെ കാണാൻ കഴിയുമെന്ന് അവർ കരുതിയിരുന്നില്ല. അദ്ദേഹം തങ്ങളെ തേടിയെത്തിയപ്പോൾ സന്തോഷം പറഞ്ഞറിയിക്കാനുമായില്ല. പോയവർഷം 40,000 സിറിയക്കാരെയാണ് കാനഡ സ്വീകരിച്ചത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.