മ്യാ​ന്മ​റി​ൽ പെൺകു​ട്ടി​ക​ൾ  ക്രൂ​ര​പീ​ഡ​ന​ത്തി​ന്​ ഇ​ര​യാ​കു​ന്നു

യാം​ഗോ​ൻ: മ്യാ​ന്മ​റി​ലെ വ​ട​ക്കു​പ​ടി​ഞ്ഞാ​റ​ൻ സം​സ്​​ഥാ​ന​മാ​യ രാ​ഖൈ​നി​ൽ റോ​ഹി​ങ്ക്യ​ക​ൾ​ക്കെ​തി​രെ​യു​ള്ള ന​ര​നാ​യാ​ട്ട്​ സൈ​ന്യം തു​ട​രു​ന്നു. സൈ​ന്യ​ത്തി​​െൻറ ക്രൂ​ര​ത​ക​ളി​ൽ​നി​ന്ന്​ ര​ക്ഷ​തേ​ടി  ബം​ഗ്ലാ​ദേ​ശി​ലേ​ക്ക്​ പ​ലാ​യ​നം ചെ​യ്യു​ന്ന​തി​നി​ടെ 10 വ​യ​സ്സി​നു താ​ഴെ​യു​ള്ള പെ​ൺ​കു​ട്ടി​ക​ളെ പോ​ലും സൈ​ന്യം ക്രൂ​ര​മാ​യി ബ​ലാ​ത്സം​ഗം ചെ​യ്യു​ക​യാ​ണെ​ന്ന്​ സ​ന്ന​ദ്ധ​സം​ഘ​ട​ന​ക​ളു​ടെ  റി​പ്പോ​ർ​ട്ട്. ഇൗ ​കു​ട്ടി​ക​ൾ​ക്ക്​ ചി​കി​ത്സ​യും കൗ​ൺ​സ​ലി​ങ്ങും ന​ൽ​കു​ന്ന മെ​ഡി​സി​ൻ​സ്​ സാ​ൻ​സ്​ ഫ്ര​ണ്ടി​യേ​ഴ്​​സ്​ (എം.​എ​സ്.​എ​ഫ്) എ​ന്ന സം​ഘ​മാ​ണ്​ വി​വ​രം പു​റ​ത്തു​വി​ട്ട​ത്. 

ബം​ഗ്ലാ​ദേ​ശ്​  അ​തി​ർ​ത്തി​യി​ലെ കോ​ക്​​സ​സ്​ ബ​സാ​റി​ലെ അ​ഭ​യാ​ർ​ഥി ക്യാ​മ്പി​ലാ​ണ്​ ഇ​വ​ർ​ക്കാ​യി പ്ര​ത്യേ​ക ക്ലി​നി​ക്​ തു​ട​ങ്ങി​യ​ത്. ചി​കി​ത്സ ന​ൽ​കി​യ സ്​​ത്രീ​ക​ളി​ൽ പ​കു​തി​യും 18 വ​യ​സ്സി​നു  താ​ഴെ​യു​ള്ള​വ​രാ​ണ്. അ​വ​രി​ൽ ഒ​മ്പ​തും പ​ത്തും വ​യ​സ്സു​ള്ള​വ​രു​ണ്ടെ​ന്നും എം.​എ​സ്.​എ​ഫ്​ വ​ക്​​താ​വ്​ വ്യ​ക്ത​മാ​ക്കി. 
അ​തേ​സ​മ​യം, ഒ​രു​പാ​ട്​ പേ​ർ​ക്ക്​ മ​തി​യാ​യ ചി​കി​ത്സ ല​ഭി​ക്കാ​ൻ ത​ട​സ്സം  നേ​രി​ടു​ന്നു​ണ്ട്. ഭ​യ​വും മാ​ന​ഹാ​നി​യും മൂ​ലം പ​ല പെ​ൺ​കു​ട്ടി​ക​ളും പീ​ഡ​നം ന​ട​ന്ന​ത്​ പു​റ​ത്തു​പ​റ​യാ​ൻ മ​ടി​ക്കു​ക​യാ​ണെ​ന്നും സം​ഘം ചൂ​ണ്ടി​ക്കാ​ട്ടി. 

Tags:    
News Summary - Rohingya girls under 10 raped while fleeing Myanmar, charity says-World news

വായനക്കാരുടെ അഭിപ്രായങ്ങള്‍ അവരുടേത്​ മാത്രമാണ്​, മാധ്യമത്തി​േൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്​പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്​. അത്തരം പ്രതികരണങ്ങൾ നിയമനടപടി നേരിടേണ്ടി വരും.