വാഷിംങ്ടൺ: ഫോക്സ് ന്യൂസ് സ്ഥാപകനും മുൻ ചെയർമാനുമായ റോജർ എയ്ൽസ് 77ാം വയസ്സിൽ അന്തരിച്ചു. യാഥാസ്ഥിതിക മാധ്യമരംഗത്തെ ശക്തമായ സാന്നിധ്യമായിരുന്ന റോജർ രണ്ട് ദശകത്തോളം േഫാക്സ് ന്യൂസിനൊപ്പം പ്രവർത്തിച്ചു. എന്നാൽ, സ്ഥാപനത്തിലെ നിരവധി സ്ത്രീ തൊഴിലാളികൾ റോജറിനെതിരെ ലൈംഗിക പീഡന ആരോപണവുമായി രംഗത്തുവന്നതിനെ തുടർന്ന് കഴിഞ്ഞ വർഷം അദ്ദേഹം രാജിവെച്ചു. ഫോക്സിൽ എത്തുന്നതിനു മുമ്പ് റിച്ചാർഡ് നിക്സൺ മുതൽ ജോർജ് ബുഷ് വരെയുള്ള നിരവധി യു.എസ് പ്രസിഡൻറുമാരുടെ ഉപദേശകൻ ആയിരുന്നു. രാഷ്ട്രീയത്തിലും വാർത്താ^വിനോദ മേഖലകളിലുമായി 50 വർഷത്തോളം ചെലവഴിച്ച റോജർ ലക്ഷക്കണക്കിന് പേരുടെ ജീവിതത്തെ സ്വാധീനിച്ചിട്ടുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.