ബഗോട്ട: കൊളംബിയൻ തലസ്ഥാനമായ ബഗോട്ടയിലെ ഷോപ്പിങ് െസൻററിലുണ്ടായ സ്ഫോടനത്തിൽ ഫ്രഞ്ച് യുവതി ഉൾപ്പടെ മൂന്ന് പേർ മരിച്ചു . 11 പേർക്ക് പരിക്കേറ്റു. ഭീകരാക്രമണമാണ് നടന്നതെന്ന് അധികൃതർ അറിയിച്ചു.
നഗരത്തിലെ തിരക്കേറിയ ഷോപ്പിങ് െസൻററായ സെൻട്രോ അൻഡിനോ മാളിൽ പ്രാദേശിക സമയം ഞായറാഴ്ച ഉച്ചകഴിഞ്ഞുള്ള തിരക്കേറിയ നേരത്താണ് സ്ഫോടനം ഉണ്ടായത്. സ്ത്രീകളുടെ ടോയ്ലറ്റിലാണ് ബോംബ് പൊട്ടിയത്. ഫാദേഴ്സ് ഡേയോട് അനുബന്ധിച്ച് സമ്മാനങ്ങൾ വാങ്ങാൻ മാളിൽ വൻതിരക്ക് അനുഭവപ്പെട്ടിരുന്നു.
നഗരത്തിലെ സ്കൂളിലെ ജീവനക്കാരിയാണ് കൊല്ലപ്പെട്ട ഫ്രഞ്ച് യുവതിയെന്ന് ബഗോട്ട മേയർ എൻറിക് പെനലോസ പറഞ്ഞു.
കൊല്ലപ്പെട്ട മറ്റ് രണ്ടുപേരെ കുറിച്ച് വിവരങ്ങൾ ലഭ്യമല്ല. ആക്രമണത്തിെൻറ ഉത്തരവാദിത്തം ആരും ഏറ്റെടുത്തിട്ടില്ല.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.