ഫെബ്രുവരി കണ്ടതും കേട്ടതും -അറിഞ്ഞിരിക്കാം ഇക്കാര്യങ്ങൾ

ദേശീയം

ലത മ​​ങ്കേഷ്കർ

ഇന്ത്യയുടെ വാനമ്പാടി ലത മ​​ങ്കേഷ്കർ അന്തരിച്ചു. 92 വയസ്സായിരുന്നു. എട്ടുപതിറ്റാണ്ട് ഇന്ത്യൻ സംഗീത ലോകത്തെ സജീവ സാന്നിധ്യമായിരുന്നു. ഭാരതരത്നം, പത്മവിഭൂഷൺ, പത്മഭൂഷൺ, ദാദാസാഹേബ് ഫാൽ​കെ പുരസ്കാരങ്ങൾ നൽകി രാജ്യം ആദരിച്ചിട്ടുണ്ട്. ഫ്രഞ്ച് ഉന്നത ബഹുമതിയായ നാഷനൽ ഓഡർ ഓഫ് ദ ലീജ്യൻ ഓഫ് ഓണറും ലതയെ തേടിയെത്തി. മികച്ച ഗായികക്കുള്ള മൂന്നു ദേശീയ പുരസ്കാരങ്ങൾ ലതയെ തേടിയെത്തി. 1999ൽ അവർ ​രാജ്യസഭയിലേക്ക് നാമനി​ർദേശം ചെയ്യപ്പെട്ടു.

• എയർ ഇന്ത്യയെ കേന്ദ്രസർക്കാർ ഒൗദ്യോഗികമായി ടാറ്റക്ക്​ കൈമാറി
• 2022-23 സാമ്പത്തിക വർഷത്തിലെ കേന്ദ്രബജറ്റ് ധനമന്ത്രി നിർമല സീതാരാമൻ അവതരിപ്പിച്ചു
• വ്യവസായ പ്രമുഖനും ബജാജ് കമ്പനിയുടെ മുൻ ചെയർമാനുമായ രാഹുൽ ബജാജ് അന്തരിച്ചു
• പഞ്ചാബി നടനും ആക്ടിവിസ്റ്റുമായ ദീപ് സിദ്ദു വാഹനാപകടത്തിൽ മരിച്ചു
• വിഖ്യാത ബംഗാളി ഗായിക സന്ധ്യ മുഖർജി (സന്ധ്യ മുഖോപാധ്യായ) അന്തരിച്ചു
• സംഗീത സംവിധായകനും ഗായകനുമായ ബപ്പി ലാഹിരി അന്തരിച്ചു
• മഹാരാഷ്ട്ര മന്ത്രി നവാബ് മാലിക്കിനെ കള്ളപ്പണം വെളുപ്പിക്കൽ കേസിൽ എൻഫോഴ്സ്മെന്റ് ഡയറക്ടറേറ്റ് അറസ്റ്റ് ചെയ്തു
• കാലിത്തീറ്റ കുംഭകോണക്കേസിൽ മുഖ്യപ്രതിയായ ബിഹാർ മുൻ മുഖ്യമന്ത്രിയും ആർ.ജെ.ഡി അധ്യക്ഷനുമായ ലാലു പ്രസാദ് യാദവിന് അഞ്ചുവർഷം തടവുശിക്ഷ. 60 ലക്ഷം പിഴയും അടക്കണം.

കായികം

• ലോക ക്രിക്കറ്റിലെ ലെഗ്സ്പിൻ ബൗളിങ്ങിന്റെ പര്യായമായി മാറിയ ഇതിഹാസ താരം ആസ്ട്രേലിയയുടെ ഷെയ്ൻ വോൺ അന്തരിച്ചു.
• ക്രിക്കറ്റിലെ ആസ്ട്രേലിയൻ ഇതിഹാസം റോഡ്നി മാർഷ് അന്തരിച്ചു.
• ക്രിക്കറ്റിൽ ഇന്ത്യക്കായി നൂറാം ടെസ്റ്റ് കളിക്കുന്ന 12ാമത്തെ താരമായി മുൻ ക്യാപ്റ്റൻ വിരാട് കോഹ്‍ലി. ശ്രീലങ്കക്കെതിരെയായിരുന്നു പരമ്പര.
• ആഭ്യന്തര ക്രിക്കറ്റിന്റെ എല്ലാ രൂപങ്ങളിൽനിന്നും എസ്. ശ്രീശാന്ത് വിരമിച്ചു.
• ആസ്ട്രേലിയൻ ഓപൺ കിരീടം റാ​ഫേൽ നദാലിന്. ഇതോടെ 21ാം ഗ്രാൻഡ്സ്ലാം കിരീടവുമായി പുരുഷ സിംഗിൾസിൽ ഏറ്റവും കൂടുതൽ കിരീടം നേടുന്ന താരമായി നദാൽ
• ആസ്​ട്രേലിയൻ ഒാപൺ വനിത സിംഗിൾസ് കിരീടം ആഷ്​ ലീഗ്​ ബാർട്ടിക്ക്​
• 1964 ടോക്യോ ഒളിമ്പിക്​സിൽ ഹോക്കിയിൽ ഇന്ത്യ സ്വർണം നേടിയപ്പോൾ നായകനായിരുന്ന ചരൺജിത് സിങ്​ അന്തരിച്ചു
• ഇന്ത്യൻ ഹോക്കി ടീമിന്റെ ​മലയാളി ഗോൾകീപ്പർ പി.ആർ. ശ്രീജേഷിന് 2021ലെ ലോക ഗെയിംസ് അത്​ലറ്റ് പുരസ്കാരം
• അണ്ടർ 19 ലോകകപ്പിൽ ഇന്ത്യക്ക് ​കിരീടം. ഇംഗ്ലണ്ടിനെ നാലു വിക്കറ്റിന് വീഴ്ത്തിയാണ് ഇന്ത്യം കിരീടം സ്വന്തമാക്കിയത്.
• ഏഷ്യൻ ഗെയിംസ് രണ്ടു സ്വർണമടക്കം നാലു മെഡലുകൾ നേടിയ ഡിസ്കസ് ത്രോ, ഹാമർ ത്രോ രംഗത്തെ ഇതിഹാസം പ്രവീൺ കുമാർ സോബ്തി അന്തരിച്ചു.
• മുൻ ഇന്ത്യൻ ഫുട്ബാളർ സുരജിത് സെൻ ഗുപ്ത അന്തരിച്ചു

കേരളീയം

• കെ.പി.എ.സി ലളിത അന്തരിച്ചു. 550ലേറെ സിനിമകളിൽ വേഷമിട്ട കെ.പി.എ.സി ലളിത കേരള സംഗീത നാടക അക്കാദമി ചെയർപേഴ്സനായിരുന്നു. അഞ്ചുതവണ സംസ്ഥാന പുരസ്കാരവും രണ്ടുതവണ ദേശീയ പുരസ്കാരവും നേടി.
• ചരിത്രപണ്ഡിതനും എഴുത്തുകാരനുമായ ഡോ. എം. ഗംഗാധരൻ അന്തരിച്ചു.
• നടൻ കോട്ടയം പ്രദീപ് അന്തരിച്ചു
• മുസ്‍ലിം ലീഗ് സംസ്ഥാന അധ്യക്ഷൻ പാണക്കാട് ഹൈദരലി ശിഹാബ് തങ്ങൾ അന്തരിച്ചു.

അന്താരാഷ്ട്രീയം

• എയ്ഡ്സിന് കാരണമാകുന്ന എച്ച്.ഐ.വി (ഹ്യൂമൻ ഇമ്യൂണോ ഡെഫിഷ്യൻസി സിൻഡ്രം) വൈറസി​നെ തിരിച്ചറിഞ്ഞ ഫ്രഞ്ച് വൈറോളജിസ്റ്റ് ലൂക് മൊ​ണ്ടെയ്നർ അന്തരിച്ചു
• വൈദ്യശാസ്ത്രരംഗത്ത് ഏറെ പ്രതീക്ഷ പകർന്ന, ജനിതക മാറ്റം വരുത്തിയ പന്നിയുടെ ഹൃദയം സ്വീകരിച്ച ഡേവിഡ് ബെന്നറ്റ് അന്തരിച്ചു. ജനുവരി ആദ്യമായിരുന്നു ശസ്ത്രക്രിയ. പുതിയ ഹൃദയവുമായി രണ്ടു മാസം ജീവിച്ചു.