സമൂഹ മാധ്യമമായ ട്വിറ്ററിൽ പേര് മാറ്റി ആപ്പിൾ സി.ഇ.ഒ ടിം കുക്ക്. ടിം ആപ്പിൾ എന്ന പേരാണ് ട്വിറ്ററിൽ കുക്ക് പു തുതായി നൽകിയിരിക്കുന്നത്. ടിം എന്ന പേരിന് ശേഷം ആപ്പിളിെൻറ ചിത്രം കൂടി വരുന്നതാണ് ടെക് ഭീമെൻറ മേധാവിയുടെ പുതിയ പേര്.
കഴിഞ്ഞ ദിവസം നടന്ന അമേരിക്കൻ വർക്ക്ഫോഴ്സ് പോളിസി ഉപദേശക സമിതി യോഗത്തിൽ അമേരിക്കൻ പ്രസിഡൻറ് ഡോണൾഡ് ട്രംപ് ടിം കുക്കിനെ ടിം ആപ്പിൾ എന്ന് തെറ്റായി സംബോധന ചെയ്തിരുന്നു. ഇതിന് പിന്നാലെയാണ് ട്വിറ്ററിലെ ടിം കുക്കിെൻറ പേര് മാറ്റം. ട്രംപിനുള്ള മറുപടിയായാണ് ടിം പേര് മാറ്റിയതെന്നാണ് ടെക് ലോകത്തെ അണിയറ സംസാരം.
ലോകത്തെ ഏറ്റവും വലിയ ടെക് കമ്പനികളിലൊന്നായ ആപ്പിളും ട്രംപും തമ്മിൽ നേരത്തെ തന്നെ പ്രശ്നങ്ങളുണ്ടായിരുന്നു. ഉപയോക്താക്കളുടെ സ്വകാര്യത മാനിച്ച് അമേരിക്കൻ സർക്കാറിെൻറ പല നിർദേശങ്ങളും അംഗീകരിക്കാൻ ആപ്പിൾ തയാറായിരുന്നില്ല.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.