108 മെഗാപിക്സലിൻെറ പിൻ കാമറയുമായി എം.ഐയുടെ പുതു മോഡൽ സി.സി. 9 പ്രോ. മോഡലിനെ കുറിച്ചുള്ള വിവരങ്ങൾ ഷവോമി ഔദ്യ ോഗികമായി പുറത്ത് വിട്ടു. സ്നാപ്ഡ്രാഗൺ 730ജി ഒക്ടാകോർ പ്രൊസസറായിരിക്കും ഫോണിന് കരുത്ത് പകരുക. 6.7 ഇഞ്ചി ൻെറ സൂപ്പർ അമലോഡ് ഫുൾ എച്ച്.ഡി ഡിസ്പ്ലേയാണ് ഉൾപ്പെടുത്തിയിരിക്കുന്നത്. 32 മെഗാപിക്സലിേൻറതാണ് സെൽഫി ക ാമറ.
ഫോണിൻെറ പ്രധാന സവിശേഷത അതിൻെറ പിൻ കാമറകളാണ്. അഞ്ച് കാമറകളും നാല് എൽ.ഇ.ഡി ഫ്ലാഷുമാണ് ഷവോമി ഫോണിൽ ഉൾക്കൊള്ളിച്ചിരിക്കുന്നത്. ഒപ്ടിക്കൽ ഇമേജ് സ്റ്റബിലൈസേഷനോട് കൂടിയ 108 മെഗാപിക്സലിേൻറതാണ് പ്രധാന കാമറ. ഇതിനൊപ്പം 20 മെഗാപിക്സലിൻെറ വൈഡ് ആംഗിൾ കാമറയും നൽകിയിട്ടുണ്ട്. 117 ഡിഗ്രിയിൽ ഫീൽഡ് വ്യു നൽകുന്നതാണ് വൈഡ് ആംഗിൾ കാമറ.
ടെലിഫോട്ടോ ലെൻസോട് കൂടിയെത്തുന്ന 12 മെഗാപിക്സലിേൻറതാണ് മൂന്നാമത്തെ കാമറ. 2x ഒപ്ടിക്കൽ സൂം കാമറക്കൊപ്പമുണ്ട്. 8 മെഗാപിക്സൽ ടെലിഫോട്ടോ ലെൻസിനൊപ്പം 50x ഡിജിറ്റിൽ സൂം ഉള്ളതാണ് നാലാമത്തെ കാമറ. 2 സെൻറീ മീറ്റർ വരെ വലിപ്പമുള്ള ചെറിയ വസ്തുക്കളെ ചിത്രീകരിക്കുന്നതിനുള്ള മാക്രോ കാമറായാണ് ഫോണിലെ അഞ്ചാമൻ. കാമറയുടെ കാര്യത്തിൽ സാംസങ് ഗാലക്സി നോട്ട് 10 പ്ലസ്, പിക്സൽ 4 എന്നിവയെ സി.സി 9 പ്രോ മറികടക്കുമെന്നാണ് റിപ്പോർട്ടുകൾ. ഇൻ ഡിസ്പ്ലേ ഫിംഗർപ്രിൻറ് സെൻസർ ഉൾപ്പടെയുള്ള സുരക്ഷാ സൗകര്യങ്ങൾ ഫോണിലുണ്ട്.
സി.സി 9 പ്രോയുടെ 6 ജി.ബി റാം 128 ജി.ബി സ്റ്റോറേജ് വേരിയൻറിന് ഏകദേശം 28,000 രൂപയാണ് വില. 8 ജി.ബി 128 ജി.ബി സ്റ്റോറജിന് 31,000 രൂപയും 8 ജി.ബി 256 ജി.ബി സ്റ്റോറേജ് വേരിയൻറിന് 35,000 രൂപയുമാണ് വില.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.