ആപ്പിൾ എയർപോഡിന് സമാനമായി എയർ ഡോട്സ് പ്രോ 2 വിപണിയിൽ അവതരിപ്പിച്ച് ഷവോമി. ചൈനീസ് വിപണിയിലാണ് ഷവോമ ി എയർ ഡോട്സ് പ്രോ 2 അവതരിപ്പിച്ചത്. വെളുത്ത നിറത്തിൽ മാത്രമാവും എയർ ഡോട്സ് പ്രോ 2 ലഭ്യമാകുക. ഇതിനൊപ്പം ചാർജിങ് കേസും ലഭിക്കും.
ബ്ലൂടുത്ത് 5.0യെ എയർഡോട്സ് പ്രോ 2 പിന്തുണക്കും. ഡ്യുവൽ മൈക്രോ ഫോണാണ് മറ്റൊരു സവിശേഷത. നാല് മണിക്കൂറാണ് എയർ ഡോട്സ് പ്രോയുടെ ബാറ്ററി ശേഷി. യു.എസ്.ബി ടൈപ്പ്-സി കേബിൾ ചാർജ് ചെയ്യാവുന്ന ചാർജിങ് കേസിൻെറ ബാറ്ററി ശേഷി 14 മണിക്കൂറാണ്.
സെപ്തംബർ 27 മുതൽ എം.ഐ ഡോട്സ് പ്രോ 2 ചൈനീസ് വിപണിയിൽ ലഭ്യമാണ്. ഏകദേശം 399 യുവാനാണ് ചൈനയിലെ വില. ഇന്ത്യയിൽ ഏകദേശം 4,000 രൂപയായിരിക്കും വില. ഇന്ത്യയുൾപ്പടെയുള്ള വിപണികളിൽ എയർഡോട്സ് പ്രോ 2 എപ്പോൾ എത്തുമെന്ന് ഷവോമി വ്യക്തമാക്കിയിട്ടില്ല.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.