ബീജിങ്: യു.എസ്-ചൈന വ്യാപാര യുദ്ധത്തിൽ തെൻറ മകൾ വിലപേശൽ ഉപകരണമാണെന്ന് വാവേയ് സി.ഇ.ഒ റെൻ സെങ്ഫീ. ഇതിൽ അവർക്ക് അഭിമാനിക്കാം. രണ്ട് രാജ്യങ്ങൾ തമ്മിൽ പ്രശ്നമുണ്ടായ സാഹചര്യത്തിലാണ് മകൾ വീട്ടുതടങ്കലിലായതെന്നും അദ്ദേഹം വ്യക്തമാക്കി.
മകൾ അനുഭവിച്ച ബുദ്ധിമുട്ടുകളും യാതനകളും അവരുടെ കരിയറിൽ ഗുണകരമാവും. രണ്ട് വൻ ശക്തികളുടെ വ്യാപാര യുദ്ധത്തിൽപ്പെട്ടുപോയ ചെറിയൊരു ഉറുമ്പ് മാത്രമാണ് തെൻറ മകൾ. അവളെ കാണാനായി ഭർത്താവും അമ്മയും ഇപ്പോൾ ഇടക്കിടക്ക് കാനഡയിൽ പോവുകയാണെന്നും അദ്ദേഹം പറഞ്ഞു.
വാവേയ് ചീഫ് ഫിനാൻഷ്യൽ ഓഫീസറും സെങ്ഫീയുടെ മകളുമായ മെങ് വാൻഷു ഇപ്പോൾ കാനഡയിൽ വീട്ടുതടങ്കലിലാണ്. അമേരിക്കയുടെ നിർദേശപ്രകാരമാണ് കാനഡ അവരെ വീട്ടുതടങ്കലിലാക്കിയത്. ബാങ്ക് തട്ടിപ്പ്, വ്യാപാര രഹസ്യങ്ങൾ ചോർത്തൽ, ഇറാനെതിരായ യു.എസ് വിലക്ക് ലംഘിച്ചു തുടങ്ങിയ കുറ്റങ്ങളാണ് അവർക്കെതിരെ ചുമത്തിയിരിക്കുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.