ഹോങ്കോങ്: നിരോധനം നീട്ടിവെച്ചതിനെ തുടർന്ന് ചൈനയുടെ ടിക്-ടോക് ആപ് യു.എസിലെ ഗൂഗ്ൾ, ആപ്ൾ ആപ് സ്റ്റോറുകളിൽ തിരിച്ചെത്തി. ജനുവരി 18നാണ് ടിക്-ടോക് ആപ് സ്റ്റോറുകളിൽനിന്ന് ഗൂഗിളും ആപ്പിളും നീക്കം ചെയ്തത്. യു.എസിൽ പുതിയ ഉടമസ്ഥരെ കണ്ടെത്തിയില്ലെങ്കിൽ ടിക്-ടോക് നിരോധിക്കുമെന്ന ഉത്തരവിനെ തുടർന്നായിരുന്നു നടപടി.
അതേസമയം, ഈ ഉത്തരവ് പ്രസിഡന്റ് ഡോണൾഡ് ട്രംപ് നീട്ടിവെച്ചതോടെയാണ് ആപ് സ്റ്റോറുകളിൽ ടിക്-ടോക് പുനഃസ്ഥാപിച്ചത്. ചൈനീസ് ടെക്നോളജി കമ്പനിയായ ബൈറ്റ്ഡാൻസാണ് ടിക്-ടോക്കിന്റെ ഉടമകൾ. യു.എസിൽ ടിക്-ടോക്കിന് 1.70 കോടി ഉപഭോക്താക്കളുണ്ടെന്നാണ് റിപ്പോർട്ട്. ടിക്-ടോക് നിരോധിക്കാനുള്ള ഉത്തരവിനെ തുടർന്ന് ആയിരക്കണക്കിന് ഉപഭോക്താക്കൾ ചൈനയുടെ മറ്റൊരു സമൂഹമാധ്യമ ആപ് ‘റെഡ്നോട്ട്’ ലേക്ക് മാറിയിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.