സ്​പാനിഷ്​ ലീഗിന്​ സമാപനം; അവസാന മത്സരത്തിൽ റയലിന്​ സമനില, അഞ്ചടിച്ച്​ ബാഴ്​സ

മഡ്രിഡ്​: സ്​പാനിഷ്​ ലീഗിലെ അവസാന മത്സരത്തിൽ ചാമ്പ്യൻമാർ ലെഗാനസിനോട്​ സമനിലയിൽ പിരിഞ്ഞപ്പോൾ കിരീടം കൈവിട്ട ബാഴ്​സലോണ ഡിപോർടിവോ അലാവസിനെ 5-0ത്ത്​ തോൽപിച്ചു. 

ഫലം അപ്രസക്​തമായ മത്സരത്തിൽ ചാമ്പ്യന്മാർ 2-2നാണ്​ ലെഗാനസിനെ ​േതാൽപിച്ചത്​. ക്യാപ്​റ്റൻ സെർജിയോ റാമോസും(9) മാർകോ അസെൻസിയോയുമാണ്(52) റയലി​​​െൻറ ഗോൾ നേടിയത്​. ഇരു പകുതിയിലായി അവസാന സമയം ഗോൾ നേടിയാണ്​ ലെഗാനസ്​ ചാമ്പ്യന്മാരെ പൂട്ടിയത്​. ബ്രയാൻ ഗിൽ(45+1), റോജർ അസൈൽ(78) എന്നിവരാണ്​ ലെഗാനസിനായി ഗോൾ നേടിയത്​. 

ഇനി ചാമ്പ്യൻസ്​ ലീഗിലാണ്​ സിദാ​​​െൻറ കണ്ണ്​. ആഗസ്​റ്റ്​ ഏഴിന്​ മാഞ്ചസ്​റ്റർ സിറ്റിക്കെതിരെ ക്വാർട്ടർ ബെർത്തിനായി റയൽ പോരാടും. ആദ്യ പാദത്തിൽ 2-1ന്​ കളി കൈവിട്ടതിനാൽ​ റയലിന്​ തിരിച്ചുവരാൻ നന്നായി ഒരുങ്ങേണ്ടി വരും. 

ലെഗാനസ്​ ലാലിഗയിൽ നിന്ന്​ പുറത്ത്​

ചാമ്പ്യന്മാരെ സമനിലയിൽ ത​ളച്ചെങ്കിലും ലെഗാനസി​​​െൻറ ‘വിധി’യിൽ മാറ്റമുണ്ടായില്ല. 38 മത്സരത്തിൽ എട്ടു ജയം മാത്രം നേടാനായ അവർ ലാലിഗയിൽ നിന്നും തരം താഴ്​ത്തപ്പെട്ടു. 18ാം സ്​ഥാനത്തുള്ള ലെഗാനസിനൊപ്പം (36 പോയൻറ്​), മല്ലോർക(33), എസ്​പാനിയോൾ(25) എന്നിവരും​ സ്​പെയ്​നിലെ ഗ്ലാമർ പോരാട്ടത്തിൽ നിന്ന്​ പുറത്തായവാരാണ്​. 

മെസ്സിക്ക്​ ഡബ്​ൾ; ലക്ഷ്യം ചാമ്പ്യൻസ്​ ലീഗ്​

ലീഗിൽ റണ്ണേഴ്​സ്​ അപ്പായ ബാഴ്​സലോണ 5-0ത്തിനാണ്​ അവസാന മത്സരത്തിൽ ഡിപോർടിവോ അലാവസി​നെ ​​തോൽപിച്ചത്​. ഇൗ കളി നേരത്തെ പുറത്തെടുത്തിരുന്നെങ്കിൽ റയലിനു മുമ്പിൽ ബാഴ്​സക്കു കിരീടം അടിയറവ്​ വെക്കേണ്ടിവരില്ലായിരുന്നു​. ബാഴ്​സക്കായി മെസ്സി രണ്ടു ഗോളുകളും (34, 75) ആൻസു ഫാത്തി(24), ലൂയിസ്​ സുവാരസ്​(44), നെൽസൺ സെമേഡോ(57) എന്നിവരും ഗോൾ നേടി. 

ഫൈവ്​ സ്​റ്റാർ ജയ​ത്തിലൂടെ ചാമ്പ്യൻസ്​ ലീഗിൽ നാപോളിയോട്​ പോരടിക്കാനുള്ള കരുത്ത്​ തിരിച്ചു പിടിച്ച സന്തോഷത്തിലാണ്​ കറ്റാലന്മാർ. നാപോളിക്കെതിരെ ആഗസ്​റ്റ്​ എട്ടിന്​ നൂകാമ്പിലാണ്​ പ്രീക്വാർട്ടർ പോരാട്ടം. ആദ്യ പാദത്തിൽ ഇരു ടീമുകളും 1-1ന്​ സമനിലയിൽ പിരിഞ്ഞിരുന്നു. 

റയൽ മഡ്രിഡ്​, ബാഴ്​സലോണ, അത്​ലറ്റികോ മഡ്രിഡ്​ ടീമുകൾക്കു പുറമെ സെവിയ്യയാണ്​ ചാമ്പ്യൻസ്​ ലീഗ്​ യോഗ്യത നേടിയ ലാലിഗയിലെ മറ്റൊരു ടീം. 

​