കൊച്ചി: മലയാളി ഉൾപ്പെടെ നാല് യുവതാരങ്ങളെക്കൂടി ടീമിലെത്തിച്ച് കേരള ബ്ലാസ്റ്റേഴ്സ്. തൃശൂർ സ്വദേശി ഋഷിദത്ത്, ഉത്തരാഖണ്ഡിൽനിന്നുള്ള ദീപേന്ദ്ര നേഗി, മണിപ്പൂർ താരം മുഹമ്മദ് രാകിപ്, സിക്കിം സ്വദേശി സൂരജ് റാവത്ത് എന്നിവരുമായാണ് ബ്ലാസ്റ്റേഴ്സ് മാനേജ്മെൻറ് കരാർ ഒപ്പിട്ടത്. എ.ഐ.ഐ.എഫ് എലൈറ്റ് അക്കാദമിയിലെ മധ്യനിര താരമാണ് ഋഷിദത്ത്. ഇന്ത്യ അണ്ടർ 14, 15, 16, 17, 18 ടീമുകളിലെ സ്ഥിരം സാന്നിധ്യമായിരുന്നു. അണ്ടർ 17 ഇന്ത്യൻ ടീം മുൻ ക്യാപ്റ്റനായ ദീപേന്ദ്ര നേഗി ആദ്യമായി സ്പാനിഷ് ടീമിൽ കളിച്ച താരം കൂടിയാണ്. അണ്ടർ 17 ലോകകപ്പ് സ്ക്വാഡിലുണ്ടായിരുന്ന രാകിപ് മധ്യനിര താരമാണ്. പ്രതിവർഷം 18 ലക്ഷം ബ്ലാസ്റ്റേഴ്സ് വാഗ്ദാനം ചെയ്തതായി ‘മാധ്യമം’ നേരത്തേ റിപ്പോർട്ട് ചെയ്തിരുന്നു.
അണ്ടർ 19 ദേശീയ സ്ക്വാഡിൽനിന്നാണ് മധ്യനിരക്കാരൻ സൂരജ് റാവത്ത് ബ്ലാസ്റ്റേഴ്സിലെത്തുന്നത്. ബ്ലാസ്റ്റേഴ്സിെൻറ റിസർവ് ടീം ശക്തിപ്പെടുത്തുന്നതിെൻറ ഭാഗമായാണ് യുവതാരങ്ങളെ തെരഞ്ഞെടുത്തതെന്ന് മാനേജ്മെൻറ് വൃത്തങ്ങൾ അറിയിച്ചു. െഎ.എസ്.എല്ലിലും ബ്ലാസ്റ്റേഴ്സിെൻറ മറ്റ് മത്സരങ്ങളിലും ഇവർക്ക് അവസരം ലഭിക്കും. അതേസമയം, ഐ ലീഗ് രണ്ടാം ഡിവിഷനിൽ ബ്ലാസ്റ്റേഴ്സിെൻറ റിസർവ് ടീമിനെ ഇറക്കുന്ന കാര്യം ചർച്ച ചെയ്തിട്ടില്ലെന്നും ഇവർ വ്യക്തമാക്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.