മഡ്രിഡ്: സ്പാനിഷ് ലാ ലിഗയില് ഗോള്മഴ പെയ്യിച്ച് ബാഴ്സലോണയും റയല് മഡ്രിഡും. ലൂയി സുവാരസ് ഹാട്രിക് നേടിയ മത്സരത്തില് ബാഴ്സലോണ അത്ലറ്റിക് ക്ളബിനെ 6-0ത്തിന് തകര്ത്തു. ക്രിസ്റ്റ്യാനോ റൊണാള്ഡോ, കരിം ബെന്സേമ എന്നിവരുടെ ഇരട്ടഗോളില് റയല് മഡ്രിഡ് 5-1ന് സ്പോര്ട്ടിങ് ജിയോണിനെയും തകര്ത്തു. ഏഴാം മിനിറ്റില് ഗാരെത് ബെയ്ലിലൂടെയാണ് റയല് ആദ്യ ഗോള് നേടിയത്.
ബാഴ്സക്കുവേണ്ടി ലയണല് മെസ്സി ഏഴാം മിനിറ്റില് ആദ്യം വലകുലുക്കി. നെയ്മര് (31), ഇവാന് റാകിടിച് (62) എന്നിവരാണ് മറ്റ് സ്കോറര്മാര്. 47, 68, 82 മിനിറ്റിലായിരുന്നു സുവാരസിന്െറ ഹാട്രിക് നേട്ടം. സിനദിന് സിദാനു കീഴില് അഞ്ചു ഗോളടിച്ച് റയലിന്െറ തുടര്ച്ചയായ രണ്ടാം ജയമാണിത്. അതേസമയം, 3-0ത്തിന് ലാസ് പാല്മസിനെ വീഴ്ത്തിയ അത്ലറ്റികോ മഡ്രിഡ് തന്നെയാണ് പോയന്റ് പട്ടികയില് ഒന്നാമത്.
അത്ലറ്റികോക്ക് 20 കളിയില് 47 പോയന്റും ബാഴ്സലോണക്ക് 19 കളിയില് 45 പോയന്റുമാണുള്ളത്. 43 പോയന്റുമായി റയല് മൂന്നാം സ്ഥാനത്താണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.