ജയ്പുർ: ഇൗ അസാധാരണമായ സമയത്ത് ഇന്ത്യൻ താരങ്ങൾ മാത്രം പങ്കെടുക്കുന്ന ഐ.പി.എല്ലിെൻറ ചെറുപതിപ്പ് നടത്താ മെന്ന നിർദേശവുമായി രാജസ്ഥാൻ റോയൽസ്. കോവിഡ് 19 ന്റെ വ്യാപനത്തെ തുടർന്ന് ഈ വർഷത്തെ ഇന്ത്യൻ പ്രീമിയർ ലീഗ് നടക്കാ നുള്ള സാധ്യത വിദൂരത്തായ പശ്ചാത്തലത്തിലാണ് രാജസ്ഥാൻ റോയൽസ് ടീം സി.ഇ.ഒ രഞ്ജിത് ബർത്താക്കൂർ പുതിയ നിർദേശവു മായി എത്തിയിരിക്കുന്നത്. അങ്ങനെ നടത്തിയാൽ അത് ശരിക്കും ‘ഇന്ത്യൻ’ പ്രീമിയർ ലീഗാവുമെന്നും അദ്ദേഹം കൂട്ടിച്ചേർത്തു.
വരും മാസങ്ങളിലെപ്പോഴെങ്കിലും ലീഗ് നടത്തിയാൽ തന്നെ ആസ്ട്രേലിയ അടക്കമുള്ള വിദേശ താരങ്ങളുടെ പങ്കാളിത്തം അനിശ്ചിതത്വത്തിലുമാണ്. ഇൗ സാഹചര്യത്തിലാണ് രാജസ്ഥാൻ റോയൽസ് സി.ഇ.ഒയുടെ പുതിയ ഐഡിയ.
ഇന്ത്യൻ താരങ്ങൾ മാത്രം കളിക്കുന്ന ഐ.പി.എല്ലിന് തയ്യാറാണ്. ഇത് അസാധാരണമായ സമയമാണ്. സ്ഥിതിഗതികളെല്ലാം നേരെയാകുമ്പോൾ ബി.സി.സി.ഐ തന്നെ ഇക്കാര്യങ്ങൾ ഏറ്റവും മികച്ച രീതിയിൽ കൈകാര്യം ചെയ്യും. മുൻപ് ഇന്ത്യൻ താരങ്ങൾ മാത്രം പങ്കാളികളായ ഐ.പി.എല്ലിനെക്കുറിച്ച് സങ്കൽപ്പിക്കാൻ നമുക്ക് കഴിയുമായിരുന്നില്ല, എന്നാൽ ഇപ്പോൾ അങ്ങനെ ലീഗ് നടത്താൻ തക്കവണ്ണം മികവുള്ള താരങ്ങൾ നമുക്കുണ്ട്. അത്തരത്തിലുള്ള ലീഗാണ് ഇൗ പ്രാവശ്യം ഉചിതം. ഐ.പി.എൽ ഫ്രാഞ്ചൈസികളുടെ താൽപര്യത്തിനനുസരിച്ച് ബി.സി.സി.ഐ തീരുമാനമെടുക്കുമെന്ന് പ്രത്യാശിക്കുന്നു -രഞ്ജിത് ബർത്താക്കൂർ പി.ടി.ഐ ന്യൂസ് ഏജൻസിയോട് പറഞ്ഞു.
നിലവിൽ ഐ.പി.എല്ലിനെ കുറിച്ച് ബി.സി.സി.ഐ അവരുടെ നിലപാട് വ്യക്തമാക്കിയിട്ടില്ല. ഏപ്രിൽ 15ലേക്ക് നീട്ടിവെച്ചിരുന്നുവെങ്കിലും ബന്ധപ്പെട്ട വൃത്തങ്ങൾ ഇൗ വർഷം ഐ.പി.എൽ നടക്കില്ല എന്ന് അറിയിച്ചതായി ദേശീയ മാധ്യമങ്ങൾ തന്നെ പുറത്തുവിട്ടിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.