പഞ്ചാബിന്​ അഞ്ചാം ജയം

മൊഹാലി: തുടർച്ചയായ രണ്ടു മത്സരങ്ങൾ തോറ്റ കിങ്​സ്​ ഇലവൻ പഞ്ചാബ്​ വീണ്ടും വിജയവഴിയിൽ. രാജസ്​ഥാൻ റോയൽസിനെ 12 റ ൺസിന്​ തോൽപിച്ചാണ്​ പഞ്ചാബി​​​െൻറ മുന്നേറ്റം. ഒമ്പതു​ മത്സരത്തിൽ അഞ്ചാം ജയം ​നേടിയ പഞ്ചാബിന്​ ഇതോടെ 10 പോയൻ റായി. ആറാം തോൽവി ഏറ്റുവാങ്ങിയ രാജസ്​ഥാ​​​െൻറ​ പ്ലേ ഒാഫ്​ സാധ്യതകൾ ഇൗ തോൽവിയോടെ മങ്ങുകയാണ്​. സ്​കോർ: കിങ്​സ്​ ഇലവൻ പഞ്ചാബ്​​ 182/6, രാജസ്​ഥാൻ റോയൽസ്: 170/7

വമ്പൻ വിജയലക്ഷ്യത്തിലേക്ക്​ രാഹുൽ തൃപതിയുടെ (50) ബാറ്റിങ്​ കരുത്തിൽ രാജസ്​ഥാൻ ​െപാരുതിയെങ്കിലും അവസാനം തകർന്നത്​ തിരിച്ചടിയായി. ​േജാസ്​ ബട്ട്​ലർ (23), സഞ്​ജു സാംസൺ (27), അജിൻക്യ രഹാനെ (26) എന്നിവർക്കും പിടിച്ചുനിൽക്കാനായില്ല. സ്​റ്റുവർട്ട്​ ബിന്നി (11 പന്തിൽ 33) വാലറ്റത്ത്​ പുറത്താകാതെ ഒറ്റയാൾ പോരാട്ടം നടത്ത​ിയെങ്കിലും രക്ഷയുണ്ടായില്ല. ടോസ്​ നേടിയ രാജസ്​ഥാൻ റോയൽസ്​ ബൗളിങ്​ തിരഞ്ഞെടുക്കുകയായിരുന്നു. തുടക്കത്തിലേ വിക്കറ്റ്​ നഷ്​ടപ്പെടാതിരിക്കാൻ ഒാപണർമാരായ ക്രിസ്​ ഗെയ്​ലും ലോകേഷ്​ രാഹുലും സംയമനത്തോടെ ബാറ്റുവീശി. ലോകേഷ്​ രാഹുൽ കൂടുതൽ ശ്രദ്ധിച്ചപ്പോൾ, മറുവശത്ത്​ ഗെയ്​ൽ പതുക്കെ വേഗം കൂട്ടി.

മൂന്ന്​ സിക്​സും രണ്ടു ഫോറുമായി ക്രിസ്​ ഗെയ്​ൽ (30) ടോപ്​ ഗിയറിലേക്ക്​ മാറുന്നതിനിടയിൽ പിഴവുപറ്റി. ജൊഫ്ര ആർച്ചറി​​​െൻറ പന്തിൽ വിക്കറ്റ്​ കീപ്പർ സഞ്​ജു സാംസണിന്​ ക്യാച്ച്​ നൽകി വിൻഡീസ്​ താരം മടങ്ങി. അപ്പോഴും ​രാഹുലിന്​ മാറ്റമൊന്നുമുണ്ടായിരുന്നില്ല. 18 പന്തിൽ എട്ടു റൺസുമായി ​രാഹുൽ നിലയുറപ്പിച്ചു. ഗെയ്​ലിന്​ പിന്നാലെ ക്രീസിലെത്തിയ മായങ്ക് ​അഗർവാൾ (12 പന്തിൽ 26) പക്ഷേ, അടിച്ചുകളിച്ചു. ചുരുങ്ങിയ പന്തിൽ മികച്ച സ്​കോറുമായാണ്​ താരം മടങ്ങിയത്​. പിന്നീടായിരുന്നു രാഹുലി​​​െൻറ മുന്നേറ്റം 47 പന്തിൽ 52 റൺസുമായി രാഹുൽ ടീമി​​​െൻറ ടോപ്​ സ്​കോററായി. ജയദേവ്​ ഉനദ്​കട്ടാണ്​ രാഹുലിനെ പുറത്താക്കിയത്​. പിന്നാലെ ഡേവിഡ്​ മില്ലറും (40) നികോളസ്​ പുറാനും (5) മന്ദീപ്​ സിങ്ങും (0) പുറത്തായി. ആർ. അശ്വിനും (17) മുജീബുറഹ്​മാനും (0) പുറത്താകാതെ നിന്നു.