ന്യൂഡൽഹി: ഇന്ത്യൻ ക്രിക്കറ്റ് ടീമിെൻറ ദക്ഷിണാഫ്രിക്കൻ പര്യടനം ജനുവരിയിൽ നടക്കും. മൂന്ന് ടെസ്റ്റും ആറ് ഏകദിനവും മൂന്ന് ട്വൻറി20യും അടങ്ങുന്നതായിരിക്കും പരമ്പര. നേരത്തെ നാല് ടെസ്റ്റ് നടത്താനായിരുന്നു ആലോചന. എന്നാൽ, ശ്രീലങ്കക്കെതിരായ ഇന്ത്യയുടെ ടെസ്റ്റ് പരമ്പര ഡിസംബർ അവസാനംവരെ നീളുമെന്നതിനാൽ ഒരു മത്സരം വെട്ടിക്കുറക്കുകയായിരുന്നു. ഇതോടെ, ബോക്സിങ് ഡേ ടെസ്റ്റ് നടക്കുമെന്ന പ്രതീക്ഷകൾ അവസാനിച്ചു. ഡിസംബർ 26നോ ജനുവരി രണ്ടിനോ ആണ് ബോക്സിങ് ഡേ എന്ന പേരിൽ മത്സരങ്ങൾ നടത്തുന്നത്. എന്നാൽ, ജനുവരി ആദ്യവാരത്തിൽ ദക്ഷിണാഫ്രിക്കയിൽ എത്തുന്ന ഇന്ത്യൻ ടീം പരിശീലന മത്സരങ്ങൾക്ക് ശേഷമെ രാജ്യാന്തര മത്സരത്തിനിറങ്ങുകയുള്ളൂ.
ബോക്സിങ് ഡേ ടെസ്റ്റ് നടത്തുന്നതിനെ ചൊല്ലി ബി.സി.സി.െഎയും ദക്ഷിണാഫ്രിക്കൻ ക്രിക്കറ്റ് ബോർഡും തമ്മിൽ വാക്കുതർക്കമുണ്ടായിരുന്നു. ബോക്സിങ് ഡേ മത്സരം നടത്താൻ ഇന്ത്യ സഹകരിക്കണമെന്ന് ദക്ഷിണാഫ്രിക്ക ആവശ്യപ്പെെട്ടങ്കിലും ബി.സി.സി.െഎ അനുകൂല നിലപാട് സ്വീകരിച്ചിരുന്നില്ല. മത്സര വേദികളും തീയതിയും പിന്നീട് പ്രഖ്യാപിക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.