‘ ശ്രീശാന്തിനെ കണ്ടതും ഹർഭജൻ പൊട്ടിത്തെറിച്ച്​ മുഖത്തടിച്ചു’

ആവേശവും ആക്ഷനും ഡ്രാമയുമൊക്കെ നിറഞ്ഞതാണ്​ ഒാരോ ​െഎ.പി.എൽ സീസണും. ​െഎ.പി.എൽ ഉദ്​ഘാടന സീസണും അതിൽ നിന്ന്​ വ്യത ്യസ്​തമായിരുന്നില്ല. വമ്പൻ താരനിരയുമായി എത്തിയ ടീമുകളെ പിന്തള്ളി പാവങ്ങളായ രാജസ്ഥാൻ റോയൽസ്​ കപ്പടിച്ച 2008ലെ ​െഎ.പി.എൽ എന്നും ക്രിക്കറ്റ്​ പ്രേമികളുടെ ഇഷ്​ട സീസണാണെന്ന്​ പറയാം.

എന്നാൽ, മലയാളികൾക്ക്​ ആദ്യ സീസൺ അത്ര സ ുഖകരമായ അനുഭവമായിരിക്കില്ല. കാരണം, അന്ന്​ ഇന്ത്യൻ ടീമിലെ വിലയേറിയ താരവും ​കിങ്​സ്​ ഇലവൻ പഞ്ചാബി​​​​െൻറ കുന്ത മുനയുമായിരുന്ന മലയാളി താരം ശ്രീശാന്ത്​ മുഖത്ത്​ കൈവെച്ച്​ കൊണ്ട്​ കരഞ്ഞ്​ ഗ്രൗണ്ട്​ വിടുന്ന രംഗം ആരും മറന്ന ു കാണില്ല. മുൻ ഇന്ത്യൻ സ്​പിന്നറും അന്നത്തെ മുംബൈ ഇന്ത്യൻസ്​ ടീം നായകനുമായിരുന്ന ഹർഭജൻ സിങ്ങി​​​​െൻറ കുപ്രസിദ്ധമായ മുഖത്തടിയേറ്റായിരുന്നു ശ്രീശാന്ത്​ വിങ്ങിപ്പൊട്ടിയത്​. അന്ന്​, ആ സംഭവത്തിന്​ സാക്ഷിയായിരുന്ന ആസ്​ട്രേലിയൻ താരം ഡൊമിനിക്​ തോൺലി പഴയ അനുഭവം പങ്കുവെച്ചു.

യുവ്​രാജ്​ സിങ്ങി​​​​െൻറ കിങ്​സ്​ ഇലവൻ പഞ്ചാബുമായുള്ള മുംബൈ ഇന്ത്യൻസി​​​​െൻറ മത്സരത്തിനിടെയായിരുന്നു സംഭവം. മുംബൈയുടെ നായകനായിരുന്നു ഹർഭജൻ. മത്സരത്തിന്​ ശേഷം ശ്രീശാന്ത്​ കരയുന്നതും സഹതാരങ്ങൾ സമാധാനിപ്പിക്കുന്നതും കണ്ടുനിൽക്കുകയായിരുന്നു കോടിക്കണക്കിന്​ ആരാധകർ. മാച്ചിൽ ടീമി​​​​െൻറ അപ്പോഴത്തെ സ്ഥിതിയിൽ കലിപ്പിലായിരുന്ന ഹർഭജൻ തന്നോട്​ മത്സരത്തിനിടെ ശാന്തനാകാമെന്ന്​ ഉറപ്പ്​ നൽകിയിരുന്നു. എന്നാൽ മത്സരം കഴിഞ്ഞയുടനെ ശാന്തതയൊക്കെ കൈവിട്ട്​ നേരെ ചെന്ന്​ ശ്രീശാന്തി​​​​െൻറ മുഖത്തടിക്കുന്നത്​ നേരിട്ട്​ കണ്ടതും ഞാൻ അന്തം വിട്ടു -ഡൊമിനിക്​ തോൺലി പറഞ്ഞു.

മറുപടി ബാറ്റിങ്ങിൽ ഒൗട്ടായി പവലിയനിലേക്ക്​ തിരിച്ചുവന്ന ഹർഭജൻ എ​​​​െൻറ അടുത്തായിട്ടാണ്​ ഇരുന്നത്​. അദ്ദേഹം വളരെ നിരാശയിലും ടെൻഷനിലുമായിരുന്നു. നമ്മൾ എട്ട്​ വിക്കറ്റുകൾ നഷ്​ടമായി വലിയ മാർജിനിൽ പരാജയപ്പെടാൻ പോവുന്ന സാഹചര്യത്തിലായിരുന്നു. എന്നാൽ, നിരാശനാകാൻ മാത്രമുള്ള അവസ്ഥയിലല്ല നിലവിൽ ടീമെന്നും നായകൻ എന്ന നിലക്ക്​ ഉത്സാഹം കാത്തുസൂക്ഷിക്കണമെന്നും ഞാൻ പറഞ്ഞു. അദ്ദേഹം എ​​​​െൻറ മുഖത്ത്​ നോക്കി അത്​ ശരിവെച്ചു. ശാന്തത പാലിക്കാമെന്ന്​​ ഉറപ്പിച്ച്​ പറയുകയും ചെയ്​തു.

എന്നാൽ, ഹർഭജന്​​ ശേഷം രണ്ട്​ വിക്കറ്റുകൾ കൂടി പോയി ടീമി​​​​െൻറ പരാജയം സമ്പൂർണ്ണമായതോടെ താരങ്ങൾ പരസ്​പരം ഹസ്​തദാനം ചെയ്യുന്ന ​സെഷനായി. അതിനിടക്ക്​ ചെറിയ ഒരു പൊട്ടിത്തെറിയും ഒരു മുഖത്തടിയും സംഭവിച്ചു. ശാന്തനായിരുന്ന ഹർഭജൻ എത്ര പെട്ടന്നാണ്​ പൊട്ടിത്തെറിച്ചതെന്ന്​ കണ്ട്​ ഞാൻ ഞെട്ടിപ്പോയി. ഡ്രസ്സിങ്​ റൂമിൽ തിരിച്ചെത്തിയ ഭാജി ആ സംഭവത്തിൽ അങ്ങേയറ്റം പശ്ചാത്തപിക്കുകയുണ്ടായി. ‘‘ഞാൻ അങ്ങനെ ചെയ്യാൻ പാടില്ലായിരുന്നു’’ എന്ന്​ പറഞ്ഞുവെന്നും തോൺലി അനുഭവം പങ്കുവെക്കുന്നതിനിടെ പറഞ്ഞു.

എന്തായാലും സംഭവത്തിന്​ ശേഷം ഹർഭജന്​ അവശേഷിച്ച ​െഎ.പി.എൽ മത്സരങ്ങൾ നഷ്​ടമാവുകയും മുംബൈ ഇന്ത്യൻസി​​​​െൻറ നായകസ്ഥാനം തെറിക്കുകയും ചെയ്​തു. തുടർന്ന്​ ഷോൺ പൊള്ളോക്കായിരുന്നു ടീമിനെ നയിച്ചത്​. ആസ്​ട്രേലിയയിലെ ഫസ്റ്റ്​ ക്ലാസ്​ ക്രിക്കറ്റ്​ താരമായിരുന്ന ഡൊമിനിക്​ തോൺലി ​െഎ.പി.എല്ലിൽ ആറ്​ മത്സരങ്ങളാണ്​ കളിച്ചത്​. അവസാന സമയത്തായിരുന്നു മുംബൈ ഇന്ത്യൻസ്​ ടീമിൽ അവസരം കിട്ടിയത്​.