ഹൈദരാബാദ്: അണ്ടർ-23 വനിത ക്രിക്കറ്റ് ദക്ഷിണ മേഖല ടൂർണമെൻറിൽ കേരളം റണ്ണറപ്പായി. അവസാന മത്സരത്തിൽ കർണാടകയെ 81 റൺസിന് തകർത്ത് 16 പോയൻറുമായി ആന്ധ്രപ്രദേശിനൊപ്പം തലപ്പത്തെത്തിയെങ്കിലും റൺ ശരാശരിയിൽ രണ്ടാം സ്ഥാനത്തേക്ക് പിന്തള്ളപ്പെടുകയായിരുന്നു.
കർണാടകക്കെതിരെ ആദ്യം ബാറ്റുചെയ്ത കേരളം 50 ഒാവറിൽ ഒമ്പത് വിക്കറ്റ് നഷ്ടത്തിൽ 157 റൺസാണെടുത്തത്. മറുപടി ബാറ്റിങ്ങിനിറങ്ങിയ കർണാടകയെ കേരള ബൗളർമാർ 29.2 ഒാവറിൽ 76 റൺസിന് പുറത്താക്കുകയായിരുന്നു. എേട്ടാവറിൽ 12 റൺസ് മാത്രം വഴങ്ങി അഞ്ച് വിക്കറ്റ് വീഴ്ത്തിയ മിന്നു മണിയാണ് കേരള ബൗളർമാരിൽ തിളങ്ങിയത്.
കീർത്തി ജെയിംസ് മൂന്നും വിപ്സ ജോസഫ് രണ്ടും വിക്കറ്റെടുത്തു. നേരത്തേ, നായിക എസ്. സജ്നയും (46) എ. അക്ഷയയും (39) കാഴ്ചവെച്ച മികച്ച ബാറ്റിങ്ങാണ് കേരള സ്കോർ 150 കടത്തിയത്. ദക്ഷിണ മേഖല അണ്ടർ^23 വനിത ക്രിക്കറ്റ് ടൂർണമെൻറിൽ റണ്ണറപ്പായ കേരള ടീം
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.