മിക്സഡ് റിലേയിൽ വെങ്കലം നേടിയ ഇന്ത്യൻ ടീം
നെയ്റോബി: അണ്ടർ 20 ലോക അത്ലറ്റിക്സ് മീറ്റിൽ മിക്സഡ് റിലേയിൽ ഇന്ത്യക്ക് വെങ്കലം. 4x400ൽ ഭാരത് എസ്., പ്രിയ മോഹൻ, സുമി, കപിൽ എന്നിവരടങ്ങിയ സംഘമാണ് 3.20.60സെ. സമയംകൊണ്ട് ഫിനിഷ് ചെയ്ത് വെങ്കലം പിടിച്ചെടുത്തത്. ഈ ഇനത്തിൽ നൈജീരിയ (3.10.70) സ്വർണം നേടിയപ്പോൾ പോളണ്ട് (3.19.80) വെള്ളിനേടി.
അണ്ടർ 20 ലോക അത്ലറ്റിക്സ് ചാമ്പ്യൻഷിപ് ചരിത്രത്തിലെ ഇന്ത്യയുടെ അഞ്ചാം മെഡൽ നേട്ടമാണിത്.
നേരത്തെ, സീമ ആൻറി (ഡിസ്ക്കസ് ത്രോ-വെങ്കലം, 2002), നവജീത് കൗർ ദില്ലോൺ (ഡിസ്കസ് ത്രോ-വെങ്കലം, 2014), നീരജ് ചോപ്ര (ജാവലിൻ ത്രോ- സ്വർണം, 2016), ഹിമ ദാസ് (400മീ.സ്വർണം, 2018) എന്നിവർ മെഡൽ നേടി ലോക അത്ലറ്റിക്സ് മീറ്റിൽ ഇന്ത്യയുടെ പേര് പതിപ്പിച്ചിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.