തൈക്വാൻഡോ വനിത പുംസെയിൽ വെങ്കലം നേടിയ കേരളത്തിന്റെ ലയ ഫാത്തിമ. ഫോട്ടോ; മുസ്തഫ അബൂബക്കർ
ഹൽദ്വാനി: ദേശീയ ഗെയിംസ് തൈക്വാൻഡോ മത്സരങ്ങൾ ആരംഭിച്ച ദിവസം അക്കൗണ്ട് തുറന്ന് കേരളം. വനിതകളുടെ വ്യക്തിഗത പൂംസെ ഇനത്തില് ലയ ഫാത്തിമ വെങ്കലം നേടി. 8.033 പോയന്റാണ് നേട്ടം. കഴിഞ്ഞ ദേശീയ ഗെയിംസില് ലയ ഫാത്തിമ വെള്ളി നേടിയിരുന്നു. കോഴിക്കോട് സ്വദേശിനിയാണ്. വള്ളിക്കുന്ന് പന്തീരങ്കാവ് സൗമ്യം വീട്ടില് അബൂസാദിക്കിന്റെയും രസ്നയുടെയും മകളാണ്.
സഹോദരി സഹബ തൈക്വാൻഡോ പൂംസെ ഗ്രൂപ്പ് ഇനത്തില് മത്സരിക്കുന്നുണ്ട്. ഇതോടെ കേരളം ആകെ ഒമ്പത് വീതം സ്വർണവും വെള്ളിയും ആറ് വെങ്കലവുമായാണ് ഒമ്പതാം സ്ഥാനത്ത് തുടരുന്നത്.
കയാക്കിങ് ക്രോസില് കേരളത്തിന്റെ ആദം മാത്യൂ സിബിക്ക് നാലാം സ്ഥാനം. ഗ്രൂപ്പ് മത്സരത്തില് ഒന്നാമത് എത്തി ഫൈനലിലേക്ക് യോഗ്യത നേടിയ ആദം മത്സരം അവസാനിച്ചപ്പോള് മൂന്നാമത് ആയി ഫിനിഷ് ചെയ്തെങ്കിലും മത്സരശേഷം സര്വിസസ് താരം പ്രോട്ടെസ്റ്റ് നൽകി. വിധി സര്വിസസിന് അനുകൂലമായതിനാല് മൂന്നാം സ്ഥാനം നഷ്ടപ്പെട്ടു.
16കാരനായ ആദം ദേശീയ ഗെയിംസില് കേരളത്തെ പ്രതിനിധാനംചെയ്ത് കയാക്കിങ് ക്രോസില് മത്സരിച്ച ഏക താരമാണ്. ദേശീയ ഗെയിംസില് ആദ്യമായാണ് കയാക്കിങ് ക്രോസ് ഉള്പ്പെടുത്തുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.