മുംബൈ: മലയാളികളുടെ നേതൃത്വത്തിൽ നടക്കുന്ന ലോക ബോക്സിങ് ടൂർണമെന്‍റിന് ദുബൈ വേദിയാകുന്നു. ബെയര്‍ നക്കിള്‍ കോമ്പാറ്റിന്‍റെ നേതൃത്വത്തിലാണ് ബോക്സിങ് പോരാട്ടം നടക്കുന്നത്. രണ്ടുതവണ ലോക കിക്ക് ബോക്സിങ് ഫെഡറേഷൻ ചാമ്പ്യനും രണ്ട് ഗിന്നസ് ലോക റെക്കോർഡ് ഉടമയുമായ മിഥുൻ ജിത്ത്, സംവിധായകൻ സന്ധ്യാ മോഹൻ എന്നിവരാണ് ഇതിന് നേതൃത്വം നൽകുന്നത്.
ബെയർ നക്കിൾ കോമ്പാറ്റ് എന്ന പേരിലാണ് പരിപാടി സംഘടിപ്പിക്കുന്നത്. അറുപത് രാജ്യങ്ങളിൽ നിന്നുള്ള താരങ്ങൾ ഈ ടൂർണമെന്‍റിൽ പങ്കെടുക്കും. ലോകത്തെ മികച്ച ഫെഡറേഷനുകളായ ഡബ്ല്യു.കെ.എഫ്, ഡബ്ല്യു.എം.സി, ഡബ്ല്യു.ബി.സി, ഐ.കെ.എഫ് തുടങ്ങി നിരവധി കൗൺസിലുകളിൽ പോരാടിയ താരങ്ങളാകും ടൂർണമെന്‍റിന്‍റെ ഭാഗമാകുക.
ഗ്രാൻഡ്സ്ലാം ഇവന്‍റ്സും ലില്ലീസ് എന്‍റർപ്രൈസസും ചേർന്നാണ് ഈ പരിപാടി ആതിഥേയത്വം വഹിക്കുന്നത്. ലോക മുയ്തായ് ഫെഡറേഷനും ബെയർ നക്കിൾ കോമ്പാറ്റുമായി സഹകരിക്കുന്നുണ്ട്. യു.എ.ഇയുടെ ചരിത്രത്തിലെ ഏറ്റവും വലിയ പോരാട്ട വേദിയായിരിക്കും ഇതെന്ന് സംഘാടകർ അവകാശപ്പെടുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.