പാരിസ്: മെസ്സി വന്നതോടെ ഇരട്ടി കരുത്താർജിച്ച ഫ്രഞ്ച് അതികായരായ പി.എസ്.ജിയിൽനിന്ന് യുവ താരം കിലിയൻ എംബാപ്പെയെ ടീമിലെത്തിക്കാൻ കരുക്കൾ നീക്കി റയൽ മഡ്രിഡ്. കരാർ ഒരു വർഷം മാത്രം ബാക്കിനിൽക്കെ 13.7 കോടി പൗണ്ട് (ഏകദേശം 1400 കോടി രൂപ) വാഗ്ദാനം ചെയ്താണ് 22 കാരനെ ലാ ലിഗ ടീം കൊണ്ടുപോകാനൊരുങ്ങുന്നത്. സ്പാനിഷ് ലീഗിൽ താൽപര്യമുണ്ടെന്ന് ഫ്രഞ്ച് താരം നേരത്തെ പി.എസ്.ജി മാനേജ്മെന്റിനെ അറിയിച്ചിരുന്നു. 2017ലാണ്
മൊണാക്കോയിൽനിന്ന് പി.എസ്.ജിയിലെത്തിയിരുന്നത്. റെക്കോഡ് തുകക്കായിരുന്നു അന്ന് കൗമാരതാരത്തിന്റെ കൈമാറ്റം.
എന്നാൽ, 174 കളികളിൽ ഇതുവരെ ടീമിനായി 133 ഗോളുകൾ നേടിയ എംബാപ്പെയെ വിട്ടുനൽകുന്ന കാര്യം പി.എസ്.ജി ഇനിയും തീരുമാനമെടുത്തിട്ടില്ല. കരാർ ബാക്കിനിൽക്കെ വിട്ടുനൽകാൻ താൽപര്യമില്ലെന്ന് അറിയിച്ചതായി ഫ്രഞ്ച് മാധ്യമ റിപ്പോർട്ടുകൾ പറയുന്നു. കോവിഡിൽ 30 കോടി യൂറോയുടെ നഷ്ടം റിപ്പോർട്ട് ചെയ്ത റയലിന് ഇത്ര വലിയ തുക കണ്ടെത്തുക ദുഷ്കരമാകുമെങ്കിലും നികത്താൻ മറ്റു മാർഗങ്ങളില്ലെന്നു കണ്ടാണ് നടപടി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.