അ​ൽ​അ​ഹ്‍ലി​ക്ക് ഗോ​ള​ടി​ക്കാ​ൻ ഡ്രാ​ക്സ്‍ല​ർ

ദോ​ഹ: ജ​ർ​മ​ൻ സൂ​പ്പ​ർ​താ​രം യൂ​ലി​യ​ൻ ഡ്രാ​ക്സ്‍ല​റെ സ്വ​ന്ത​മാ​ക്കി ഖ​ത്ത​ർ സ്റ്റാ​ർ​സ് ലീ​ഗ് ക്ല​ബാ​യ അ​ൽ​അ​ഹ്‍ലി. ഫ്ര​ഞ്ച് ക്ല​ബ് പാ​രി​സ് സെ​ന്റ് ജ​ർ​മ​നു​വേ​ണ്ടി അ​ഞ്ചു സീ​സ​ണി​ലേ​റെ ക​ളി​ച്ച ഡ്രാ​ക്സ്‍ല​റെ ര​ണ്ടു വ​ർ​​ഷ​ത്തെ ക​രാ​റി​​ലാ​ണ് അ​ൽ​അ​ഹ്‍ലി ത​ങ്ങ​ളു​ടെ നി​ര​യി​ലെ​ത്തി​ച്ച​ത്.

ഏ​താ​നും ആ​ഴ്ച​ക​ളാ​യി തു​ട​രു​ന്ന ച​ർ​ച്ച​ക​ൾ​ക്കൊ​ടു​വി​ൽ താ​ര​ത്തെ ക്ല​ബി​ന്റെ പ​ച്ച​ക്കു​പ്പാ​യ​ത്തി​ൽ അ​ൽ​അ​ഹ്‍ലി തി​ങ്ക​ളാ​ഴ്ച വൈ​കു​ന്നേ​രം അ​വ​ത​രി​പ്പി​ച്ചു. പി.​എ​സ്.​ജി​യി​ൽ നി​​ൽ​ക്കെ ക​ഴി​ഞ്ഞ സീ​സ​ണി​ൽ ഡ്രാ​ക്സ്‍ല​ർ പോ​ർ​ചു​ഗ​ൽ ക്ല​ബ് ബെ​ൻ​ഫി​ക​ക്കു​വേ​ണ്ടി ക​ളി​ച്ചി​രു​ന്നു.

അ​ൽ​തു​മാ​മ സ്റ്റേ​ഡി​യ​ത്തി​ൽ ന​ട​ന്ന ച​ട​ങ്ങി​ൽ ക്ല​ബ് ഡ​യ​റ​ക്ട​ർ ബോ​ർ​ഡ് ചെ​യ​ർ​മാ​ൻ അ​ബ്ദു​ല്ല യൂ​സു​ഫ് അ​ൽ മു​ല്ല​യു​ടെ സാ​ന്നി​ധ്യ​ത്തി​ൽ ഡ്രാ​ക്സ്‍ല​ർ പു​തി​യ ക​രാ​റി​ൽ ഒ​പ്പു​വെ​ച്ചു. ഫി​ലി​പ് കു​ടീ​ന്യോ, മാ​ർ​കോ വെ​റാ​റ്റി തു​ട​ങ്ങി​യ സൂ​പ്പ​ർ​താ​ര​ങ്ങ​ൾ ഈ ​സീ​സ​ണി​ൽ ഖ​ത്ത​ർ ക്ല​ബു​ക​ളി​ലെ​ത്തി​യി​രു​ന്നു.