ചെന്നൈ: തുടർച്ചയായ തോൽവികൾക്കു ശേഷം ജയത്തി‍െൻറ വഴിയിൽ മടങ്ങിയെത്തിയ സൺറൈസേഴ്സ് ഹൈദരാബാദിന് തിരിച്ചടിയായി പേസ് ബൗളർ ടി. നടരാജ‍െൻറ പരിക്ക്. കാൽമുട്ടിന് പരിക്കേറ്റ നടരാജൻ അടിയന്തര ശസ്തക്രിയക്ക് വിധേയനാവുകയാണ്. ഇതോടെ തുടർന്നുള്ള മത്സരങ്ങൾ നടരാജന് നഷ്ടമാകുമെന്നുറപ്പായി.
ഇൗ സീസണിൽ സൺറൈസേഴ്സ് കളിച്ച നാല് മത്സരങ്ങളിൽ രണ്ടെണ്ണത്തിൽ മാത്രമാണ് നടരാജൻ കളിച്ചത്. ഇൗ വർഷമാദ്യം നടന്ന ആസ്ട്രേലിയൻ പര്യടനത്തിൽ തന്നെ നടരാജന് പരിക്കേറ്റിരുന്നെങ്കിലും ഇംഗ്ലണ്ട് പര്യടനവും ഐ.പി.എല്ലും പരിക്ക് കൂടുതൽ വഷളാക്കി. തുടർന്നാണ് ശസ്ത്രക്രിയ അനിവാര്യമായത്.
നടരാജന് പരിക്ക്, ഐ.പി.എല്ലിൽനിന്ന് പുറത്ത്കഴിഞ്ഞ ഐ.പി.എൽ സീസണിൽ മിന്നുംഫോമിൽ പന്തെറിഞ്ഞതിനു പിന്നാലെയാണ് നടരാജനിൽ സെലക്ടർമാർക്ക് കണ്ണുടക്കിയത്. ആസ്ട്രേലിയൻ പര്യടനത്തിനുള്ള ഇന്ത്യൻ ടീമിൽ നെറ്റ്സ് ബൗളറായി ഇടംപിടിച്ച നടരാജൻ ട്വന്റി 20, ഏകദിനം, ടെസ്റ്റ് എന്നിവയിലെല്ലാം അരങ്ങേറ്റം കുറിച്ചിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.