കാര്യവട്ടത്തെ ലോകകപ്പ് സന്നാഹം: ടിക്കറ്റ് നിരക്കുകൾ പ്രഖ്യാപിച്ചു

തിരുവനന്തപുരം: കാര്യവട്ടം ഗ്രീൻഫീൽഡിൽ നടക്കുന്ന ലോകകപ്പ് സന്നാഹ മത്സരങ്ങൾക്കുള്ള ടിക്കറ്റ് നിരക്ക് പ്രഖ്യാപിച്ചു. ഒക്ടോബർ മൂന്നിലെ ഇന്ത്യ-നെതർലൻഡ്സ് മത്സരം ഒഴികെയുള്ള കളികൾക്കുള്ള ടിക്കറ്റ് നിരക്കാണിത്. 300, 900 രൂപവീതമാണ് നിരക്ക്.

ബുക്ക് മൈ ഷോ ആപ് വഴി ഇഷ്ടമുള്ള സെക്ടർ തെരഞ്ഞെടുക്കാം. സെപ്റ്റംബർ 29ന് ദക്ഷിണാഫ്രിക്ക അഫ്ഗാനിസ്താനെയും 30ന് ദക്ഷിണാഫ്രിക്ക നെതർലൻഡ്സിനെയും ഒക്ടോബർ രണ്ടിന് ദക്ഷിണാഫ്രിക്ക ന്യൂസിലൻഡിനെയും നേരിടും.