അഹ്മദാബാദ്: ഐ.പി.എല്ലില് മുംബൈ ഇന്ത്യന്സിനെതിരെ ഗുജറാത്ത് ടൈറ്റന്സിന് കൂറ്റൻ സ്കോർ. നിശ്ചിത 20 ഓവറിൽ ആറു വിക്കറ്റ് നഷ്ടത്തിൽ ഗുജറാത്ത് 207 റൺസെടുത്തു.
അർധ സെഞ്ച്വറി നേടിയ ശുഭ്മൻ ഗില്ലാണ് ഗുജറാത്തിന്റെ ടോപ് സ്കോറർ. താരം 34 പന്തിൽ ഒരു സിക്സും ഏഴു ഫോറുമടക്കം 56 റൺസെടുത്തു. വൃദ്ധിമാൻ സാഹ (ഏഴു പന്തിൽ നാല്), നായകൻ ഹാർദിക് പാണ്ഡ്യ (14 പന്തിൽ 13), വിജയ് ശങ്കർ (16 പന്തിൽ 19), അഭിനവ് മനോഹർ (21 പന്തിൽ 42), ഡേവിഡ് മില്ലർ (22 പന്തിൽ 46) എന്നിവരാണ് പുറത്തായ മറ്റു താരങ്ങൾ.
അഞ്ചു പന്തിൽ 20 റൺസുമായി രാഹുൽ തെവാതിയയും ഒരു പന്തിൽ രണ്ടു റൺസുമായി റാഷിദ് ഖാനും പുറത്താകാതെ നിന്നു. മുംബൈക്കായി പിയൂഷ് ചൗള രണ്ടു വിക്കറ്റും അർജുൻ ടെണ്ടുൽകർ, റിലേ മെറെഡിത്ത്, കുമാർ കാർത്തികേയ എന്നിവർ ഓരോ വിക്കറ്റ് വീതവും വീഴ്ത്തി. ടോസ് നേടിയ മുംബൈ ബൗളിങ് തെരഞ്ഞെടുക്കുകയായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.