ചെന്നൈ: ക്രിക്കറ്റ് ആരാധകർ ഏറെ പ്രതീക്ഷയോടെ കാത്തിരിക്കുന്ന ഇന്ത്യൻ പ്രീമിയർ ലീഗ് പോരാട്ടങ്ങൾക്ക് വെള്ളിയാഴ്ച ചെന്നൈയിലെ ചെപ്പോക്ക് സ്റ്റേഡിയത്തിൽ തുടക്കമാകുമ്പോൾ ഉദ്ഘാടന ചടങ്ങ് കൊഴുപ്പിക്കാൻ ബോളിവുഡിൽനിന്നടക്കമുള്ള വൻ താരനിര. ബോളിവുഡ് താരങ്ങളായ അക്ഷയ് കുമാർ, ടൈഗർ ഷ്രോഫ് എന്നിവരും ഗായകനും സംഗീത സംവിധായകനുമായ എ.ആർ റഹ്മാനും ഗായകൻ സോനു നിഗവുമെല്ലാം പാട്ടും മറ്റു കലാപ്രകടനങ്ങളുമായി വേദിയുണർത്തും. നടിമാരായ രശ്മിക മന്ദാന, തമന്ന ഭാട്ട്യ, ഗായകൻ അരിജിത് സിങ് തുടങ്ങിയവരായിരുന്നു കഴിഞ്ഞ വർഷം ഉദ്ഘാടന ചടങ്ങിൽ അതിഥികളായെത്തിയത്.
വെള്ളിയാഴ്ച വൈകീട്ട് 6.30നാണ് ഉദ്ഘാടന ചടങ്ങുകൾ തുടങ്ങുക. 7.30ന് ആദ്യ മത്സരം ആരംഭിക്കും. നിലവിലെ ജേതാക്കളായ മഹേന്ദ്ര സിങ് ധോണിയുടെ ചെന്നൈ സൂപ്പർ കിങ്സും വിരാട് കോഹ്‍ലിയുടെ റോയൽ ചലഞ്ചേഴ്സ് ബംഗളൂരുവും തമ്മിലാണ് ഉദ്ഘാടന മത്സരം. 2023ലെ ഐ.പി.എല്ലിന് ശേഷം ശസ്ത്രക്രിയക്ക് വിധേയനായ ധോണിയുടെ തിരിച്ചുവരവിന് കൂടി മത്സരം സാക്ഷിയാവും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.