ഒരു വീട് അതുപോലെ ഇളക്കി മാറ്റി മറ്റൊരിടത്തേക്ക് കൊണ്ടു പോകുന്നതിനെ കുറിച്ച് കേട്ടിട്ടുണ്ടോ? ഇപ്പോൾ സോഷ്യൽ മീഡിയയിൽ ഇടംപിടിക്കുന്നത് അത്തരത്തിലൊരു വിഡിയോയാണ്. ഫിലിപ്പീൻസിലാണ് സംഭവം. 7 അടിയോളം ഉയരമുള്ള വീടാണ് ആളുകൾ ചേർന്ന് മറ്റൊരു സ്ഥലത്ത് സ്ഥാപിച്ചിരിക്കുന്നത്.
വീട് മാറ്റി വെക്കലിന് പിന്നിൽ മറ്റൊരു ഹൃദയസ്പർശിയായ സംഭവമുണ്ട്. ഒരു വയോധികനാണ് ഈ വീട്ടിലെ താമസക്കാരൻ. മകന്റെ വീടിന് അകലെയാണ് ഈ വൃദ്ധപിതാവ് താമസിച്ചത്. ഇനിയുള്ള കാലം മകനോടും ചെറുമകനോടുമൊപ്പം താമസിക്കാനുള്ള ആഗ്രഹമാണ് ഇതിന് പിന്നിൽ. രണ്ട് മണിക്കൂർ സമയമെടുത്താണ് നാട്ടുകാർ വീട് ചുമന്ന് കൊണ്ടു പോയത്.
ഗുഡ് ന്യൂസ് മൂവ്മന്റെ് എന്ന ഇൻസ്റ്റഗ്രാമിലൂടൊണ് വിഡിയോ പുറത്ത് വന്നിരിക്കുന്നത്. ഇതിനോടകം തന്നെ ഏകദേശം 2 ദശലക്ഷത്തിലധികം ആളുകളാണ് വിഡിയോ കണ്ടിരിക്കുന്നത്. വയോധികനെ സഹായിച്ച നല്ലവരായ നാട്ടുകാരെ നെറ്റിസൺസ് അഭിനന്ദിക്കുന്നുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.