ദുബൈ: ബാലുശ്ശേരി വട്ടോളി ബസാർ കുളത്തിെൻറ മീത്തൽ നാസറിെൻറ മകൻ മുഹമ്മദ് യാസീനെ (20) ദുബൈയിൽ മരിച്ച നിലയിൽ കണ്ടെത്തി. സംഭവത്തിൽ ദുരൂഹതയുണ്ടെന്നാരോപിച്ച് പിതൃസഹോദരൻ ഇഖ്ബാൽ പൊലീസിനെ സമീപിച്ചു. വിസിറ്റിങ് വിസയിൽ ദുബൈയിലെത്തിയ യാസീൻ, ഇഖ്ബാലിനൊപ്പമായിരുന്നു താമസം. വ്യാഴാഴ്ച വൈകീട്ട് ഉല്ലാസനൗകയിൽ യാത്രക്ക് പോകുന്ന കാര്യം പറഞ്ഞിരുന്നു. എന്നാൽ, ദേരയിലേക്ക് പോകേണ്ട യാസീൻ വർഖയിലേക്കാണ് പോയത്. സുഹൃത്തുക്കൾക്കൊപ്പം പാർട്ടിയിൽ പങ്കെടുക്കുകയും ചെയ്തു. യാസീന് സുഖമില്ലെന്നുപറഞ്ഞ് വെള്ളിയാഴ്ച പുലർച്ച നാലിന് സുഹൃത്തുക്കൾ ഇഖ്ബാലിനെ വിളിച്ചുവരുത്തുകയായിരുന്നു. നായിഫിലുള്ള കൂട്ടുകാരുടെ താമസസ്ഥലത്തെത്തിയ ഇഖ്ബാൽ കണ്ടത് മരിച്ചുകിടക്കുന്ന യാസീനെയാണ്. ബോട്ടിൽ പാട്ടുപാടി നൃത്തം ചെയ്യുന്നതിനിടെ തളർന്നുവീണെന്നാണ് സുഹൃത്തുക്കൾ പറഞ്ഞത്. മാതാവ്: സാദിഖ. സഹോദരങ്ങൾ: അഹ്സാൻ, റസാൻ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.