ഓട്ടോയും ലോറിയും കൂട്ടിയിടിച്ച്​ രണ്ടുയുവാക്കൾ മരിച്ചു

പാപ്പിനിശ്ശേരി (കണ്ണൂർ): ദേശീയപാതയിൽ പാപ്പിനിശ്ശേരി ചുങ്കത്ത് വാഹനാപകടത്തിൽ രണ്ട്​ യുവാക്കൾ മരിച്ചു. ഓട്ടോ യാത്രക്കാരായ അശ്വന്ത് (25) അമൽജിത്ത് എന്നിവരാണ് മരിച്ചത്.

ശനിയാഴ്ച രാവിലെ 6.45 ഓടെയായിരുന്നു അപകടം. ഓട്ടോയും ലോറിയും കൂട്ടിയിടിക്കുകയായിരുന്നു. ഓട്ടോ യാത്രക്കാരാണ് മരിച്ചത്. കണ്ണൂരിൽനിന്നും തളിപ്പറമ്പ് ഭാഗത്തേക്ക് പോകുന്ന ലോറിയും കണ്ണൂരിലേക്ക് പോകുന്ന ഓട്ടോയുമാണ് അപകടത്തിൽപെട്ടത്​.

ഓടിക്കൂടിയ നാട്ടുകാർ ആമ്പുലൻസിനെ വിളിച്ചു വരുത്തിയാണ് ഇവരെ കണ്ണൂരിലെ ആശുപത്രിയിലെത്തിച്ചത്. വളപട്ടണം പൊലീസ് സ്ഥലത്തെത്തി. ലോറി ഡ്രൈവറെ കസ്റ്റഡിയിലെടുത്തു.