ന്യൂഡല്‍ഹി: ലൈംഗിക പീഡനത്തിനിരയായ ആംആദ്മി പാര്‍ട്ടി വനിതാ പ്രവര്‍ത്തക ആത്മഹത്യ ചെയ്ത സംഭവത്തില്‍ മറ്റൊരു അറസ്റ്റ് കൂടി. നരേലയില്‍ നിന്നുള്ള ആംആദ്മി പാര്‍ട്ടി എം.എല്‍.എ ശരത് ചൗഹാനെയാണ് ശനിയാഴ്ച രാത്രി പൊലീസ് അറസ്റ്റ് ചെയ്തത്.
ഇതോടെ വിവിധ കേസുകളില്‍ അറസ്റ്റിലായ എ.എ.പി നേതാക്കളുടെ എണ്ണം 12 ആയി. പാര്‍ട്ടിയില്‍ ഉയര്‍ന്നുവരണമെങ്കില്‍ ചില വിട്ടുവീഴ്ചകള്‍ക്ക് തയാറാകണമെന്ന് രമേശ് ഭരദ്യാജ് എന്ന ആപ് നേതാവ് തന്നോട് ആവശ്യപ്പെട്ടിരുന്നതായും ഇത് പ്രശ്നമായപ്പോള്‍ ഇയാളെ എം.എല്‍.എ ശരത്താണ് സംരക്ഷിച്ചതെന്നും ആത്മഹത്യക്ക് മുമ്പ് സോണി മിശ്ര ആരോപിച്ചിരുന്നു.
ജൂലൈ 19നാണ് സോണി ആത്മഹത്യ ചെയ്തത.് സോണിയെ പീഡനത്തിനിരയാക്കിയെന്ന കേസില്‍ കഴിഞ്ഞ ജൂണില്‍ എ.എ.പി നേതാവായ രമേഷിനെതിരെ കേസ് രജിസ്റ്റര്‍ ചെയ്ത് അറസ്റ്റ് ചെയ്തിരുന്നു. എന്നാല്‍ അറസ്റ്റിനു കുറച്ചു ദിവസങ്ങള്‍ക്കു ശേഷം ഇയാള്‍ ജാമ്യത്തിലിറങ്ങി. ഇതിന്‍്റെ മാനസിക സംഘര്‍ഷത്തത്തെുടര്‍ന്നാണ് യുവതി ആത്മഹത്യ ചെയ്തത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.