മുംബൈ: ഭോജ്പുരി നടി അഞ്ജലി ശ്രീവാസ്തവയെ (29) തൂങ്ങിമരിച്ച നിലയിൽ കണ്ടെത്തി. ജുഹുവിലെ വാടക ഫ്ലാറ്റിൽ തിങ്കളാഴ്ച രാവിലെയാണ് സംഭവം. ഞായറാഴ്ച മുതൽ ബന്ധുക്കൾ അഞ്ജലിയെ ഫോണിൽ വിളിക്കാൻ ശ്രമിച്ചിരുന്നു. തിങ്കളാഴ്ച രാവിലെയും ഫോൺ എടുക്കാതായതോടെ ഫ്ലാറ്റുടമയെ വിവരമറിയിച്ചു. ഫ്ലാറ്റുടമയാണ് അഞ്ജലിയെ തൂങ്ങിമരിച്ച നിലയിൽ കണ്ടത്. തുടർന്ന് പൊലീസിൽ വിവരമറിയിക്കുകയായിരുന്നു. ആത്മഹത്യാ കുറിപ്പ് കണ്ടെത്തിയിട്ടില്ലെന്നും ആത്മഹത്യ ചെയ്യാനുള്ള കാരണം അന്വേഷിക്കുന്നതായും മുംബൈ പൊലീസ് വക്താവ് രശ്മി കരൺദീകർ പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.