രാജ്യത്തെ സദാചാര ഗുണ്ടായിസത്തിനെതിരെ വീണ്ടുമൊരു ഹ്രസ്വചിത്രം ഒരുങ്ങുന്നു. നിരപരാധികളെ സംശയത്തിെൻറ പേരിൽ കാണുകയും ആക്രമിക്കുകയും ചെയ്യുന്ന വർത്തമാന കാലത്ത് മനുഷ്യൻ മനുഷ്യനെ തിരിച്ചറിയണമെന്ന ശക്തമായ സന്ദേശമാണ് ചിത്രം മുന്നോട്ടു വെക്കുന്നത്.
തന്‍റെ മുൻ ചിത്രങ്ങളെ പോലെ തന്നെ സമൂഹത്തിലെ അരാജകത്വത്തിന് എതിരെയുള്ള ശക്തമായ സന്ദേശമാണ് പുതിയ ചിത്രവും പറയുന്നതെന്ന് സംവിധായകൻ എസ്. ബിൻയാമിൻ പറഞ്ഞു. ബിൻയാമിൻ തന്നെയാണ് കഥയും തിരക്കഥയും ഒരുക്കിയത്. തിരുവനന്തപുരത്തും പരിസര പ്രദേശങ്ങളിലുമാണ് ചിത്രീകരണം.
ഹഫ്സു എെൻറർടൈൻറ്മെൻറിെൻറ ബാനറിൽ സാമൂഹിക പ്രസക്തിയുള്ള ചിത്രങ്ങളൊരുക്കുന്ന ഗ്രേറ്റ് മീഡിയ വിഷനാണ് ഇൗ ചിത്രവും നിർമിച്ചിരിക്കുന്നത്. ഛായാഗ്രഹണം: രമേശൻ വൈഡ് ആംഗിൾ, എഡിറ്റിങ്: ഹാജ, ഗാനരചന-സംഗീതം-ആലാപനം: ഡോ. വാഴമുട്ടം ചന്ദ്രബാബു. പ്രൊഡക്ഷൻ മാനേജർ: ഗിരീശൻ ചാക്ക.
സിനിമ-സീരിയൽ താരങ്ങളായ വഞ്ചിയൂർ പ്രവീൺകുമാർ, അമ്പൂട്ടി, സുനിൽ വിക്രം, ശുഭ വയനാട്, അനൂപ്, രാധാകൃഷ്ണൻ, ഗിരി പ്രസാദ്, അശ്വതി അനന്തപുരി, ഹക്കീം, അഡ്വ. ബി. താരിഫ്, അനിൽകുമാർ, രാജേഷ്, ഗോപകുമാർ, കരുമം ഷാജി എസ്. ആർ, അർച്ചന അജയ്, ഗിരി പ്രസാദ്, സംഗീത തുടങ്ങിയവരാണ് അഭിനേതാക്കൾ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.