തിരുവനന്തപുരം: സീരിയൽ -സിനിമ നടൻ വട്ടിയൂർക്കാവ് വലിയവീട് ലെയിൻ ഗൗരിനന്ദനത്തിൽ ഹരികുമാരൻ തമ്പി (56) നിര്യാതനായി. കരൾ രോഗത്തെതുടർന്ന് ഏറെനാളായി ചികിത്സയിലായിരുന്നു. ചൊവ്വാഴ്ച വൈകീട്ട് അഞ്ചരയോടെ മെഡിക്കൽ കോളജ് ആശുപത്രിയിലാണ് മരണം.
നാടകരംഗത്തിൽനിന്നാണ് ഹരികുമാരൻ തമ്പി സിനിമയിലും സീരിയൽ രംഗത്തും എത്തിയത്. ഇന്ദുമുഖി ചന്ദ്രമതി, സ്ത്രീധനം, ബാലഗണപതി, സ്ത്രീധനം തുടങ്ങിയ സീരിയലുകളിൽ അഭിനയിച്ചു. തേജാഭായി, ദലമർമ്മരങ്ങൾ, കണിച്ചുകുളങ്ങരയിൽ സി.ബി.ഐ തുടങ്ങിയ സിനിമകളിലും അഭിനയിച്ചു. സംസ്കാരം ശാന്തികവാടത്തിൽ നടന്നു. ഭാര്യ: സുഷമ. എം.എ വിദ്യാർഥിനിയായ മകൾ ഗൗരി തമ്പി ഏക മകളാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.