ആലുവ: നടി ആക്രമിക്കപ്പെട്ട സംഭവത്തിൽ സംവിധായകൻ നാദിർഷ തിങ്കളാഴ്ചയും അന്വേഷണസംഘം മുമ്പാകെ ഹാജരായില്ല. തിങ്കളാഴ്ച അദ്ദേഹം ചോദ്യം ചെയ്യലിന് ആലുവ പൊലീസ് ക്ലബിൽ എത്തുമെന്നാണ് അറിയിച്ചിരുന്നത്. രാവിലെ 11.30ന് എത്തുമെന്നായിരുന്നു വിവരം. ഇതുപ്രകാരം ക്ലബിൽ പൊലീസ് ഉദ്യോഗസ്‌ഥർ കാത്തിരുന്നു. എന്നാൽ, നാദിർഷ എത്തിയില്ല. മുൻ‌കൂർ ജാമ്യം അനുവദിക്കണമെന്ന നാദിർഷയുടെ ഹരജി 13നാണ് ഹൈകോടതി പരിഗണിക്കുന്നത്. കഴിഞ്ഞ ആഴ്ച ഹരജി പരിഗണിച്ചപ്പോൾ അറസ്‌റ്റ് ചെയ്യരുതെന്ന് പ്രത്യേക നിർദേശമൊന്നും നൽകിയിരുന്നില്ല. അതിനാൽ ചോദ്യം ചെയ്യലിനെത്തുടർന്ന് അറസ്‌റ്റ് ചെയ്യുമെന്ന് ആശങ്കയുണ്ടായിരുന്നതിനാലാണ് നാദിർഷ ഹാജരാകാതിരുന്നതെന്നാണ് കരുതുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.