ന്യൂഡൽഹി: ആദ്യദിന കളക്ഷനിൽ റെക്കോർഡിട്ട് പത്മാവത് തിയേറ്ററുകളിൽ നിറഞ്ഞോടുമ്പോൾ പ്രതികരണവുമായി രൺവീർ സിങ്ങ്. ചിത്രം ഏറ്റെടുത്തവർക്ക് നന്ദിയെന്നും പ്രേക്ഷകരുടെ സ്നേഹത്തിൽ അതിയായ സന്തോഷമുണ്ടെന്നും റൺവീർ പറഞ്ഞു.
നിരവധി പേർ തന്‍റെ പ്രകടനത്തെ പ്രശംസിച്ചത് കേൾക്കുമ്പോൾ സന്തോഷമുണ്ട്. ഖിൽജിയുടെ വേഷം തനിക്ക് വലിയ വെല്ലുവിളിയായിരുന്നു. ആ വെല്ലുവിളി ധൈര്യപൂർവം ഏറ്റെടുക്കുകയായിരുന്നു. അത് വിജയിച്ചതിൽ താൻ സന്തോഷവാനാണെന്നും റൺവീർ കൂട്ടിച്ചേർത്തു.
അതേസമയം, ആദ്യദിനം 19 കോടി കളക്ട് ചെയ്ത് പത്മാവത് റൺവീറിന്‍റെ കരിയറിൽ റെക്കോർഡ് നേട്ടം സ്വന്തമാക്കി. ഗുണ്ടേയാണ് മുമ്പ് ഏറ്റവും കൂടുതൽ ആദ്യദിന കളക്ഷൻ നേടിയ റൺവീർ ചിത്രം. 16.12 കോടിയാണ് ഗുണ്ടേ ആദ്യദിനം നേടിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.