ബംഗളൂരു: മലങ്കര മാർത്തോമ സുറിയാനി സഭയുടെ ബാംഗ്ലൂർ മാർത്തോമ സെന്റർ കൺവെൻഷൻ ജനുവരി 16ന് ആരംഭിക്കും. നാല് ദിവസങ്ങളിലായി സഭയുടെ ബാംഗ്ലൂർ സെന്ററിലുള്ള വിവിധ ഇടവകകളിലായാണ് കൺവെൻഷൻ.
വ്യാഴാഴ്ച വൈകുന്നേരം 6.30ന് ഹെബ്ബാൾ ജെറുസലേം മാർത്തോമ പള്ളിയിൽ പ്രാരംഭ യോഗത്തോടെ കൺവെൻഷന് തുടക്കം കുറിക്കും. സഭയുടെ ചെന്നൈ-ബാംഗ്ലൂർ ഭദ്രാസന അധ്യക്ഷൻ ഡോ. ഗ്രീഗോറിയോസ് മാർ സ്തെഫാനോസ് എപ്പിസ്കോപ്പ കൺവെൻഷൻ ഉദ്ഘാടനം ചെയ്യും. മാർത്തോമ സഭയുടെ കുന്നംകുളം ദീനബന്ധു മിഷൻ ഡയറക്ടർ റവ. ഷായിമോൻ ഈലിയാസ് മുഖ്യപ്രഭാഷണം നൽകും. ഹെബ്ബാൽ ഇടവക ഗായകസംഘം ആദ്യ ദിവസം ഗാനശുശ്രൂഷ നടത്തും.
വെള്ളിയാഴ്ച വൈകുന്നേരം 6.30ന് മാർത്തഹള്ളി സെന്റ് തോമസ് മാർത്തോമ പള്ളിയിൽ കർണവെൻഷൻ നടക്കും. ഡോ. ഗ്രീഗോറിയോസ് മാർ സ്തെഫാനോസ് എപ്പിസ്കോപ്പ അധ്യക്ഷത വഹിക്കും. ഇടവക ഗായകസംഘം സംഗീത ശുശ്രൂഷക്ക് നേതൃത്വം നൽകും.
ശനിയാഴ്ച വൈകുന്നേരം 6.30ന് പ്രിംറോസ് റോഡ് മാർത്തോമ സിറിയൻ ചർച്ചിൽ നടക്കുന്ന കൺവെൻഷനിൽ ഡോ. ഗ്രീഗോറിയോസ് മാർ സ്തെഫാനോസ് എപ്പിസ്കോപ്പ അധ്യക്ഷത വഹിക്കും. മാർത്തോമ സിറിയൻ ചർച്ച് ഗായക സംഘം ഗാനശുശ്രൂഷക്ക് നേതൃത്വം നൽകും. സമാപന ദിവസമായ ഞായറാഴ്ച രാവിലെ 8.30ന് സഭയുടെ ബീരസാന്ദ്രയിലുള്ള മാർത്തോമ ക്യാമ്പ് സെന്ററിൽ സമാപന യോഗവും സെന്റർ വാർഷികവും ഉച്ച കഴിഞ്ഞ് ക്വയർ ഫെസ്റ്റും നടക്കും. സഭയുടെ ബാംഗ്ലൂർ സിറ്റിയിലുള്ള 12 ഇടവകകളും വിശുദ്ധ കുർബാനക്കായി ഒത്തൊരുമിക്കും. ഭദ്രാസന അധ്യക്ഷൻ ഡോ. ഗ്രീഗോറിയോസ് മാർ സ്തെഫാനോസ് എപ്പിസ്കോപ്പ മുഖ്യ കർമികത്വം വഹിക്കും. ബാംഗ്ലൂർ സെന്റർ ഗാനശുശ്രൂഷക്ക് നേതൃത്വം നൽകും.
ബാംഗ്ലൂർ മാർത്തോമ സെന്റർ വൈസ് പ്രസിഡന്റ് റവ. ഡോ. ജേക്കബ് പി. തോമസ്, സെന്റർ ഡയറക്ടർ റവ. ഷിജിൽ മാത്യൂസ് ഉമ്മൻ, സെക്രട്ടറി സണ്ണി ജേക്കബ്, ട്രഷറർ മാത്യു ജോർജ്, സെന്റർ ബോർഡ് ഓഫ് മാനേജ്മെന്റ് മെംബേർസ് എന്നിവരുടെ നേതൃത്വത്തിൽ കൺവെൻഷൻ യോഗങ്ങളുടെയും സമാപന ദിവസത്തെ വിവിധ പരിപാടികളുടെ ക്രമീകരണങ്ങൾ പുരോഗമിക്കുന്നതായി സെക്രട്ടറി സണ്ണി ജേക്കബ്, മീഡിയ കൺവീനർ സുനിൽ തോമസ് കുട്ടങ്കേരിൽ എന്നിവർ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.