കെ.എൻ.എസ്.എസ് യെലഹങ്ക കരയോഗം വാർഷിക കുടുംബസംഗമം ഉദ്ഘാടന
ചടങ്ങിൽനിന്ന്
ബംഗളൂരു: കർണാടക നായർ സർവിസ് സൊസൈറ്റി യെലഹങ്ക കരയോഗം വാർഷിക കുടുംബസംഗമം സംഘടിപ്പിച്ചു. യെലഹങ്ക ന്യൂ ടൗണിലുള്ള ഡോ.ബി.ആർ. അംബേദ്കർ ഭവനിൽ നടന്ന ആഘോഷങ്ങളിൽ അംഗങ്ങളുടെ കലാപരിപാടികൾ, മെറിറ്റ് അവാർഡ് വിതരണം, മുതിർന്ന അംഗങ്ങളെ ആദരിക്കൽ, ബോർഡ് ഭാരവാഹികളെ ആദരിക്കൽ, കണ്ണൂരിൽനിന്നുള്ള ആമോദ നർത്തകി സംഘത്തിന്റെ നൃത്ത നാടകം ‘മാക്കം’, അർജുൻ നായർ അവതരിപ്പിച്ച വയലിൻ കച്ചേരി എന്നിവ നടന്നു.
സാംസ്കാരിക സമ്മേളനത്തിൽ കരയോഗം പ്രസിഡന്റ് ഗോപിദാസ് അധ്യക്ഷതവഹിച്ചു. ചെയർമാൻ ആർ. മനോഹരക്കുറുപ്പ് ഉദ്ഘാടനം നിർവഹിച്ചു. ജന. സെക്രട്ടറി ടി.വി. നാരായണൻ, രക്ഷാധികാരി എം.ആർ. രാധാകൃഷ്ണൻ, കരയോഗം സെക്രട്ടറി പി. സുന്ദരേശൻ, ട്രഷറർ മുരളി മേനോൻ, മഹിളാ വിഭാഗം പ്രസിഡന്റ് സുജാത പ്രദീപൻ എന്നിവർ പങ്കെടുത്തു. കൺവീനർ പ്രദീപൻ, കെ.വി. ഗോപാലകൃഷ്ണൻ എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.