ബംഗളൂരു: കേരളസമാജം അൾസൂർ സോൺ കുടുംബസംഗമം ഞായറാഴ്ച വൈകീട്ട് നാലു മുതൽ വിമാനപുര കൈരളി കലാസമിതിയുടെ അങ്കണത്തിൽ നടക്കും. കേരള സമാജം അൾസൂർ സോൺ, ആർ.ബി ഫൗണ്ടേഷൻ, ഗർഷോം ഫൗണ്ടേഷൻ എന്നീ സംഘടനകളുടെ നേതൃത്വത്തിൽ നിർമിക്കാൻ ഉദ്ദേശിക്കുന്ന രണ്ടു വീടുകളുടെ നിർമാണ പ്രഖ്യാപനവും ചടങ്ങിൽ നടക്കും. വനിതാ വിഭാഗത്തിന്റെ നേതൃത്വത്തിൽ കലാപരിപാടികളും ജയദീപ് വാര്യരുടെ നേതൃത്വത്തിൽ 11 ദി ബാൻഡ് അവതരിപ്പിക്കുന്ന ഫ്യൂഷൻ മ്യൂസിക്കും ഉണ്ടായിരിക്കും. ഗായിക അതിഥി നായർ പങ്കെടുക്കും.
കസ്റ്റംസ് ആൻഡ് ഇൻഡയറക്ട് ടാക്സസ് അഡീഷനൽ കമീഷണർ പി. ഗോപകുമാർ മുഖ്യാതിഥിയാവും. കേരളസമാജം പ്രസിഡന്റ് സി.പി. രാധാകൃഷ്ണൻ, വൈസ് പ്രസിഡന്റ് പി.കെ. സുധീഷ്, ജനറൽ സെക്രട്ടറി റെജികുമാർ, കെ. എൻ.ഇ ട്രസ്റ്റ് പ്രസിഡന്റ് ഗോപിനാഥൻ, സെക്രട്ടറി ജെയ്ജോ ജോസഫ് എന്നിവർ ചടങ്ങിൽ സംസാരിക്കും. സി.പി. രാധാകൃഷ്ണൻ, രാജീവൻ ചിങ്ങൻ, ബിജു പി. വർഗീസ്, പി.കെ. സുധീഷ് തുടങ്ങിയവരെ ആദരിക്കും.
അൾസൂർ സോൺ ചെയർമാൻ ഷിജോ ഫ്രാൻസിസ് ചടങ്ങിൽ അധ്യക്ഷതവഹിക്കും. കൺവീനർ കെ. രാധാകൃഷ്ണൻ റിപ്പോർട്ട് അവതരിപ്പിക്കും. പ്രവേശനം സൗജന്യമാണെന്ന് പ്രോഗ്രാം കമ്മിറ്റി ചെയർമാൻ രാജശേഖരൻ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.