മു​ദ്ര​വെ​ച്ച​ത്​ 42 പോ​പു​ല​ർ ഫ്ര​ണ്ട്​ ഓ​ഫി​സു​ക​ൾ -ആ​ഭ്യ​ന്ത​ര മ​ന്ത്രി

ബം​ഗ​ളൂ​രു: ക​ർ​ണാ​ട​ക​യി​ൽ ആ​കെ 42 പോ​പു​ല​ർ ഫ്ര​ണ്ട്​ ഓ​ഫി​സു​ക​ൾ പൂ​ട്ടി മു​ദ്ര​വെ​ച്ച​താ​യി ആ​ഭ്യ​ന്ത​ര മ​ന്ത്രി അ​ര​ഗ ജ്ഞാ​നേ​ന്ദ്ര പ​റ​ഞ്ഞു. പി.​എ​ഫ്.​ഐ​യെ നി​രോ​ധി​ച്ച കേ​ന്ദ്ര​സ​ർ​ക്കാ​ർ ഉ​ത്ത​ര​വി​നെ തു​ട​ർ​ന്ന്​ സം​സ്ഥാ​നം സ്വീ​ക​രി​ച്ച ന​ട​പ​ടി​ക​ൾ സം​ബ​ന്ധി​ച്ച്​ സം​സ്ഥാ​ന പൊ​ലീ​സ്​ മേ​ധാ​വി പ്ര​വീ​ൺ സൂ​ദ്, അ​ഡീ​ഷ​ന​ൽ ചീ​ഫ്​ സെ​ക്ര​ട്ട​റി (ഹോം) ​ര​ജ​നീ​ഷ്​ ഗോ​യ​ൽ, മു​തി​ർ​ന്ന ഉ​ദ്യോ​ഗ​സ്ഥ​ർ എ​ന്നി​വ​രു​ടെ യോ​ഗ​ത്തി​ൽ അ​ധ്യ​ക്ഷ​ത വ​ഹി​ക്കു​ക​യാ​യി​രു​ന്നു മ​ന്ത്രി. പി.​എ​ഫ്.​ഐ​യു​ടെ ബാ​ങ്ക്​ അ​ക്കൗ​ണ്ടു​ക​ളും മ​ര​വി​പ്പി​ച്ചി​ട്ടു​ണ്ട്.

സാ​മ്പ​ത്തി​ക ഇ​ട​പാ​ടു​ക​ൾ ന​ട​ക്കു​​ന്നു​ണ്ടോ എ​ന്ന കാ​ര്യം എ​ൻ​ഫോ​ഴ്​​സ്​​മെ​ന്‍റ്​ ഡ​യ​റ​ക്ട​റേ​റ്റ്​ (ഇ.​ഡി) നി​രീ​ക്ഷി​ക്കും.നി​രോ​ധി​ത സം​ഘ​ട​ന​യു​മാ​യി ബ​ന്ധ​മു​ള്ള​വ​രു​ടെ പ​ട്ടി​ക സ​ർ​ക്കാ​റി​​ന്റെ പ​ക്ക​ലു​ണ്ട്. അ​വ​രു​ടെ മേ​ൽ എ​പ്പോ​ഴും ആ​ഭ്യ​ന്ത​ര മ​ന്ത്രാ​ല​യ​ത്തി​ന്‍റെ ക​ണ്ണു​ണ്ടാ​കു​മെ​ന്നും മ​ന്ത്രി പ​റ​ഞ്ഞു. ബം​ഗ​ളൂ​രു​വി​ൽ ഡെ​ക്കാ​ൻ ഹൗ​സി​ലെ പി.​എ​ഫ്.​​ഐ​യു​ടെ സം​സ്ഥാ​ന ഓ​ഫി​സ്​ അ​ട​ക്കം നാ​ലു ഓ​ഫി​സു​ക​ളാ​ണ്​ പൂ​ട്ടി​യ​ത്. ക്വീ​ൻ​സ്​ റോ​ഡി​ലെ കാ​മ്പ​സ്​ ഫ്ര​ണ്ടി​​ന്റെ ഓ​ഫി​സും പൂ​ട്ടി​യി​ട്ടു​ണ്ട്.