നേമം: ബ്ലോക്ക് പഞ്ചായത്ത് ഓഫിസില് സാമ്പത്തിക തിരിമറി നടത്തിയ ഹെഡ് അക്കൗണ്ടൻറ് ജയകുമാറിനെ സസ്പെന്ഡ് ചെയ്ത ു. ബ്ലോക്ക് പഞ്ചായത്തുകള് പദ്ധതി വിഹിതത്തിൻെറ ബാക്കി തുക പ്രളയബാധിതരെ സഹായിക്കുന്നതിനായി മുഖ്യമന്ത്രിയുടെ ദുരിതാശ്വാസനിധിയിലേക്ക് അടക്കണമെന്ന് സര്ക്കാര് ഉത്തരവിറക്കിയിരുന്നു. ഈ കാലഘട്ടത്തില് നേമം ബ്ലോക്ക് പഞ്ചായത്തിൻെറ അക്കൗണ്ടില് 3.37 ലക്ഷം രൂപ ഉണ്ടായിരുന്നു. ദുരിതാശ്വാസനിധിയിലേക്ക് അടക്കാനെന്ന വ്യാജേന അക്കൗണ്ടില്നിന്ന് ജയകുമാര് തുക എടുത്തെങ്കിലും അടച്ചില്ല. ലോക്കല് ഫണ്ട് ഓഡിറ്റ് വിഭാഗം കഴിഞ്ഞ മാസം നടത്തിയ പരിശോധനയിലാണ് തിരിമറി കണ്ടെത്തിയത്. കഴിഞ്ഞ ദിവസം അസിസ്റ്റൻറ് െഡവലപ്മൻെറ് കമീഷണര് ബ്ലോക്ക് ഓഫിസിലെത്തി അന്വേഷണം നടത്തുകയും ഉദ്യോഗസ്ഥനെതിരെ നടപടി സ്വീകരിക്കുകയുമായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.