തിരുവനന്തപുരം: കശ്മീരിലെ 370ാം വകുപ്പ് റദ്ദുചെയ്ത ബി.ജെ.പി സർക്കാറിൻെറ നടപടി രാജ്യത്തെ സ്വേഛാധിപത്യ ഭരണത്തിലേക ്ക് കൊണ്ടുപോകാനുള്ള നടപടിയുടെ ഭാഗമാണെന്ന് വെൽഫെയർ പാർട്ടി സംസ്ഥാന സെക്രട്ടറി സജീദ് ഖാലിദ് പറഞ്ഞു. ജനപ്രതിനിധികളെയും സാമൂഹിക പ്രവർത്തകരെയും വീട്ടുതടങ്കലിലാക്കിയും കശ്മീരിൻെറ പ്രത്യേക പദവി റദ്ദുചെയ്തതിലൂടെയും മോദിയും അമിത് ഷായും ജനാധിപത്യത്തെ വെല്ലുവിളിക്കുന്നുെവന്നും അദ്ദേഹം പറഞ്ഞു. വെൽഫെയർ പാർട്ടി തിരുവനന്തപുരം ജില്ല കമ്മിറ്റി ഏജീസ് ഓഫിസിലേക്ക് നടത്തിയ പ്രതിഷേധ പ്രകടനം ഉദ്ഘാടനം ചെയ്യുകയായിരുന്നു അദ്ദേഹം. ജില്ല പ്രസിഡൻറ് എൻ.എം. അൻസാരി, ജില്ല ജനറൽ സെക്രട്ടറി അനിൽകുമാർ, സെക്രട്ടറി ഷറഫുദ്ദീൻ കമലേശ്വരം, ജില്ല വൈസ് പ്രസിഡൻറ് മധു കല്ലറ എന്നിവർ സംസാരിച്ചു. രക്തസാക്ഷി മണ്ഡപത്തിന് മുന്നിൽനിന്ന് ആരംഭിച്ച പ്രകടനത്തിന് ജില്ല കമ്മിറ്റി അംഗങ്ങളായ ആരിഫ ബീവി, അബ്ദുൽ ജവാദ്, ഷംല അട്ടക്കുളങ്ങര എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.