തിരുവനന്തപുരം: വൈദ്യുതി നിരക്ക് കുത്തനെ വര്ധിപ്പിച്ച് പിണറായി സര്ക്കാര് ജനങ്ങളെ കൊള്ളയടിക്കുകയാണെന്ന് ക െ.പി.സി.സി പ്രസിഡൻറ് മുല്ലപ്പള്ളി രാമചന്ദ്രന്. കേന്ദ്രവും സംസ്ഥാനവും ഒറ്റക്കെട്ടായി നിന്ന് ജനങ്ങളുടെ മേല് അമിതഭാരം അടിച്ചേല്പിക്കുന്നു. വൈദ്യുതി നിരക്ക് ഒറ്റയടിക്ക് 6.8 ശതമാനമാണ് വര്ധിപ്പിച്ചത്. കേന്ദ്ര ബജറ്റില് മോദി പ്രെട്രോളിയം ഇന്ധനങ്ങള്ക്ക് വില വര്ധിപ്പിച്ചതിന് പിന്നാലെയാണ് പിണറായിയുടെ വൈദ്യുതി നിരക്കിൻെറ പേരിലുള്ള ഷോക്കടിപ്പിക്കല്. കാരുണ്യ ബെനവലൻറ് പദ്ധതി നിര്ത്തലാക്കാനുള്ള തീരുമാനത്തിലൂടെ 25 ലക്ഷം രോഗികളെയും അവരുടെ നിരാലംബരായ കുടുംബങ്ങളെയും ദുരിതത്തിലാക്കിയ സര്ക്കാറാണ് പിണറായി വിജയേൻറത്. അതിസമ്പന്നന്മാര്ക്കും കോര്പറേറ്റുകള്ക്കും വേണ്ടിയാണ് സി.പി.എമ്മും ബി.ജെ.പിയും ഭരണം നടത്തുന്നത്. പുതിയ വൈദ്യുതി നിരക്ക് ഒരിക്കലും അംഗീകരിക്കാന് കഴിയില്ല. എത്രയും പെെട്ടന്ന് വര്ധിപ്പിച്ച വൈദ്യുതി നിരക്ക് പിന്വലിക്കാന് സര്ക്കാര് തയാറാകണമെന്ന് മുല്ലപ്പള്ളി ആവശ്യപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.