തിരുവനന്തപുരം: പട്ടികജാതിക്കാരിയായ വിധവ പൊതു ആവശ്യത്തിന് സൗജന്യമായി നൽകിയ ഭൂമിയിൽ അന്യർക്ക് അനധികൃതമായി പട് ടയം നൽകിയെന്ന പരാതിയിൽ അന്വേഷണം നടത്തി നടപടി സ്വീകരിക്കാൻ സംസ്ഥാന പട്ടികജാതി പട്ടികഗോത്രവർഗ കമീഷൻ കലക്ടർക്ക് ഉത്തരവ് നൽകി. ഹോമിയോ ആശുപത്രിയുടെ നിർമാണത്തിന് പെരുമ്പഴുതൂർ ഗ്രാമപഞ്ചായത്തിന് 30 വർഷം മുമ്പ് സൗജന്യമായി വിട്ടുനൽകിയ നാല് സെൻറ് ഭൂമിയിൽ അവകാശമില്ലാത്ത അന്യർക്ക് പട്ടയം നൽകിയെന്ന് നെയ്യാറ്റിൻകര ചായ്ക്കോട്ടുകോണം സ്വദേശി എൻ. ഭായി പരാതി നൽകിയിരുന്നു. ഭൂമി നിശ്ചയിക്കപ്പെട്ട ആവശ്യത്തിന് ഉപയോഗിക്കാത്ത സാഹചര്യത്തിൽ പട്ടയം വ്യാജമാണോ എന്ന് പരിശോധിച്ച് പരാതിക്കാരിക്ക് നഷ്ടപ്പെട്ട ഭൂമി തിരികെ നൽകാൻ നടപടി സ്വീകരിക്കണമെന്നാണ് കമീഷൻ നിർദേശം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.