ഇരവിപുരം: സവാള ചാക്കുകൾക്കിടയിൽ കടത്തിയ പാൻ മസാല ഇരവിപുരം പൊലീസ് പിടികൂടി. സംഭവവുമായി ബന്ധപ്പെട്ട് ഝാർഖണ്ഡ് സ ്വദേശിയായ ലോറി ഡ്രൈവർ ഉമേഷ് മാത്യു (36)വിനെ അറസ്റ്റ് ചെയ്തു. ലോറിയും കസ്റ്റഡിയിലെടുത്തിട്ടുണ്ട്. പുണെയിൽനിന്ന് അയത്തിലിലെ ഒരു ഗോഡൗണിൽ ഇറക്കുന്നതിനായി കൊണ്ടുവന്ന സവാള ചാക്കുകൾക്കിടയിലാണ് പാൻമസാല സൂക്ഷിച്ചിരുന്നത്. ഇരവിപുരം പൊലീസിന് ലഭിച്ച രഹസ്യവിവരത്തിെൻറ അടിസ്ഥാനത്തിൽ നടത്തിയ പരിശോധനയിലാണ് പാൻ മസാല കണ്ടെത്തിയത്. ഇരവിപുരം എസ്.ഐമാരായ സജികുമാർ, സുരേഷ് ബാബു, സതീഷ് കുമാർ, എ.എസ്.ഐമാരായ ശ്രീനിവാസൻ, സക്കീർ ഹുസൈൻ, സതീഷ് കുമാർ എന്നിവരടങ്ങിയ സംഘമാണ് പ്രതിയെ പിടികൂടിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.