പത്തനാപുരം: പുനലൂര്-പത്തനംതിട്ട സംസ്ഥാന പാതയില് ടിപ്പര് ലോറി ഇടിച്ച് ഓട്ടോയും വൈദ്യുതി പോസ്റ്റും തകർന്നു. അപകടത്തിൽ വഴിയരികിൽ നിൽക്കുകയായിരുന്നയാൾക്ക് പരിക്കേറ്റു. പിറവന്തൂർ പുവണ്ണുംമൂട്ടിൽ ശനിയാഴ്ച ഉച്ചയോടെയാണ് സംഭവം. പുനലൂർ ഭാഗത്ത് നിന്ന് അമിതവേഗത്തിൽ വന്ന ടിപ്പർ 11 കെ.വി വൈദ്യുതി പോസ്റ്റിലാണ് ആദ്യം ഇടിച്ചത്. തുടർന്ന് സമീപത്ത് നിർത്തിയിട്ടിരുന്ന ഓട്ടോയും തകർത്തു. ഓട്ടോക്ക് സമീപത്ത് നിൽക്കുകയായിരുന്ന പൂവണ്ണുംമൂട്ടിൽ ലക്ഷ്മി വിലാസത്തിൽ സത്യപാലനാണ് പരിക്കേറ്റത്. ഇദ്ദേഹത്തിെൻറ കാലുകൾക്ക് സാരമായി പരിക്കേറ്റിട്ടുണ്ട്. പുനലൂർ താലൂക്ക് ആശുപത്രിയിൽ ചികിത്സയിലാണ്. ഓട്ടോയും വൈദ്യുതി പോസ്റ്റും അമ്പത് മീറ്ററോളം ടിപ്പർ ലോറി വലിച്ച് കൊണ്ടുപോയി. തുടർന്ന് നിർത്താതെ പോയ ലോറി നാട്ടുകാർ പിന്തുടർന്ന് പിറവന്തൂർ ജങ്ഷനിൽ തടഞ്ഞിട്ടു. ഡ്രൈവർ ഇടപ്പാളയം സ്വദേശിയെ പൊലീസ് കസ്റ്റഡിയിലെടുത്തു. ഡ്രൈവർ ഉറങ്ങിപ്പോയതാണ് അപകടകാരണമെന്ന് പറയുന്നു. പാതയിൽ ഒരു മണിക്കൂർ ഗതാഗതം തടസ്സപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.