കൊല്ലം: സാഹിത്യ സാംസ്കാരിക പ്രവർത്തകരുടെ കൂട്ടായ്മയായ ദേശിംഗനാട് സാഹിത്യസംഘത്തിെൻറ ഉദ്ഘാടനവും ചെന്താപ്പൂര് എഡിറ്റ് ചെയ്ത 'ഇടപ്പള്ളിക്ക് പ്രണയപൂർവം' പുസ്തകത്തിെൻറ പ്രകാശനവും 24ന് ഉച്ചക്ക് രണ്ടിന് നടക്കും. കൊല്ലം പബ്ലിക് ലൈബ്രറി സാവിത്രി ഹാളിൽ നടക്കുന്ന സമ്മേളനത്തിൽ പ്രഭാകരൻ പുത്തൂർ അധ്യക്ഷതവഹിക്കും. ഡോ. പ്രസന്നരാജൻ പ്രകാശനവും ഉദ്ഘാടനവും നിർവഹിക്കും. ഡോ. വി.എസ്. രാധാകൃഷ്ണൻ പുസ്തകം സ്വീകരിക്കും. ചടങ്ങിൽ ഒാണമ്പള്ളിൽ സുന്ദരേശെൻറയും സന്തോഷിെൻറയും പുസ്തകങ്ങൾ പ്രകാശിപ്പിക്കും. സംസ്ഥാന ബാലസാഹിത്യ ഇൻസ്റ്റിറ്റ്യൂട്ടിെൻറ സമഗ്രസംഭാവനക്കുള്ള പുരസ്കാരം നേടിയ ശൂരനാട് രവിയെ ആദരിക്കും. നാട്ടുകാരെയും പൊലീസിനെയും ഞെട്ടിച്ച് എ.ടി.എം കവർച്ച ചിത്രം - കൊട്ടിയം: തഴുത്തലയിൽ എ.ടി.എം തകർത്ത് ലക്ഷങ്ങൾ അപഹരിച്ച വാർത്ത നാട്ടുകാർക്കൊപ്പം പൊലീസിനെയും ഞെട്ടിച്ചു. ആറ് ലക്ഷത്തിലേറെ കവർച്ചചെയ്യപ്പെട്ട സംഭവം പൊലീസ് അതീവ ഗൗരവത്തോടെയാണ് കാണുന്നത്. തഴുത്തലയിൽ അടുത്തിടെ നടന്ന മോഷണത്തിെൻറ ഞെട്ടൽ പ്രദേശവാസികളിൽനിന്ന് വിട്ടുമാറുംമുമ്പാണ് എ.ടി.എമ്മിൽ കവർച്ച നടന്നത്. ഒന്നരമാസം മുമ്പാണ് ഇപ്പോൾ കവർച്ച നടന്ന എ.ടി.എമ്മിന് നൂറുമീറ്റർ അകലെയുള്ള വീട്ടിൽനിന്നും മോഷ്ടാക്കൾ 20 പവൻ സ്വർണം കവർന്നത്. എ.ടി.എം കവർച്ചക്ക് പിന്നിൽ ഇതര സംസ്ഥാനക്കാരാണെന്നാണ് പൊലീസ് സംശയിക്കുന്നത്. ഇതിെൻറ സൂചനകൾ പൊലീസിന് ലഭിച്ചതായാണ് വിവരം. കൊട്ടിയം, തഴുത്തല, കണ്ണനല്ലൂർ തുടങ്ങിയ പ്രദേശങ്ങളിലുള്ള എ.ടി.എമ്മുകളിൽ സുരക്ഷാ ജീവനക്കാരില്ലാത്തതാണ് മോഷണത്തിന് കാരണമാകുന്നതെന്നാണ് പൊലീസ് പറയുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.